تٷركٸستان وبلىسىنداعى ەتنومەدەني بٸرلەستٸكتەر اراسىندا سپارتاكيادا ٶتتٸ. سايىسقا قاتىسقان بەس كوماندا مٷشەلەرٸ شاعىن فۋتبول, ستول تەننيسٸ, شاحمات, قاشىقتىققا جٷگٸرۋ, دويبى سىندى سپورتتىڭ بەس تٷرٸنەن سىنعا تٷستٸ, دەپ حابارلايدى قازاقپارات تٸلشٸسٸ.
سپارتاكيادانىڭ اشىلۋ سالتاناتىندا تٷركٸستان وبلىستىق قازاقستان حالقى اسسامبلەياسى حاتشىلىعى مەڭگەرۋشٸسٸنٸڭ مٸندەتٸن اتقارۋشى مادينا كامەدەنوۆا سٶز سٶيلەپ, بارشا قاتىسۋشىلارعا سەتتٸلٸك تٸلەدٸ. ٶڭٸردەگٸ ەتنوستاردىڭ دوستىعىن, بەرەكەلٸ بٸرلٸگٸن ودان ەرٸ نىعايتۋدا مۇنداي شارالاردىڭ ماڭىزى زور ەكەندٸگٸنە توقتالدى. وبلىس ەكٸمٸ اپپاراتىنىڭ قوعامدىق كەلٸسٸم كمم باسشىسىنىڭ مٸندەتٸن اتقارۋشى زاڭعار ٷسٸپاحمەتوۆ سپارتاكيادانى ۇيىمداستىرۋداعى ماقسات ۇلتتار اراسىنداعى تاتۋلىقتى دەرٸپتەۋ ەكەندٸگٸن, الداعى ۋاقىتتا وسىنداي ٸس-شارالار جالعاسىن تابا بەرەتٸندٸگٸن ايتىپ ٶتتٸ.
اسا تارتىستى ٶتكەن سايىس نەتيجەسٸندە باس جٷلدە تٷركٸستان قالاسىنىڭ كومانداسىنا بۇيىردى. بٸرٸنشٸ ورىندى وبلىستىق ٶزبەك ەتنومەدەني بٸرلەستٸگٸ يەلەنسە, ەكٸنشٸ ورىندى سايرام اۋدانىنىڭ كومانداسى مٸسە تۇتتى. ال, ٷشٸنشٸ ورىن تٷرٸك ەتنومەدەني بٸرلەستٸگٸنە بەرٸلدٸ.
جارىس جەڭٸمپازدارى مەن جٷلدەگەرلەرٸ قارجىلاي سىيلىققا يە بولدى.
