Túrkistan oblysynda aýa raiynyń kúrt qubylýynan 44 eldi mekende elektr jelileri úzilip, jaryq sónip qalǵan bolatyn. Qazirgi kezde 15 eldi mekenge elektr energiiasy berildi, dep habarlaidy QazAqparat.
«Ońtústik Jaryq Tranzit» JShS úzilgen jelilerdi jóndeý-qalpyna keltirý jumystaryn júrgizip jatyr. Jalpy 12 brigadada 52 jumysshy jáne 13 tehnika jumyldyrylǵan.
Osy ýaqyttaǵy jaǵdai boiynsha 44 eldi mekenniń 29-ynda jaryq áli de joq. Olar: Báidibek aýdanyndaǵy – 1647, Sozaq aýdanyndaǵy – 935, Sairam aýdanyndaǵy – 7000, Tólebi aýdanyndaǵy – 4878, Túrkistan qalasyndaǵy – 300 abonent.
Aita keteiik, saǵat 18:10 bastap aýa raiynyń jaqsarýyna bailanysty «Jambyl oblysynyń shekarasy-Qumkent-Sholaqqorǵan-Ashysai KH-190» oblystyq avtojolynda kóliktiń barlyq túrleri úshin qozǵalys ashyldy.
Eske sala keteiik, buǵan deiin Túrkistan oblysynda qatty boran saldarynan Túrkistan qalasy men 8 aýdanda elektr jelileri úzilip, 44 eldi meken turǵyndary jaryqsyz qalǵan edi.
Sondai-aq Túrkistan oblysynda «Qorǵas-Almaty-Taraz-Shymkent-Tashkent» respýblikalyq mańyzy bar jol kóliktiń barlyq túri úshin jabyldy.
Budan bólek, irgeles ornalasqan Shymkent qalasynda 23 baǵyt boiynsha elektr energiiasyn berý toqtatyldy. Mektepter onlain oqýǵa aýystyryldy.
