Joldardaǵy qaýipsizdik jaǵdaiy – basty nazarda. Jyl basynan beri qabyldanyp jatqan sharalar nátijesinde jol-kólik oqiǵalary sanynyń – 3,5 paiyzǵa, olardyń saldarynan qaza bolǵandardyń sany – 7,8% paiyzǵa tómendegen. Jol apatyn azaitý boiynsha jasalyp jatqan jumystar barysy Túrkistan oblysynyń ákimi Darhan Satybaldynyń tóraǵalyǵymen ótken jinalysta baiandaldy.
Túrkistan oblysy respýblikada birinshi bolyp jol qozǵalysy erejelerin qasaqana buzýshylardy qashyqtyqtan anyqtaý úshin «DRON» pilotsyz ushý apparatyn qoldana bastady. Beinebaqylaý kameralardyń sany 100-den 141 birlikke deiin ulǵaitylyp, oblystyq mańyzy bar joldarǵa 26 birlik ornatyldy. Olardyń kómegimen 255 myńǵa jýyq quqyqbuzýshylyq anyqtalǵan.
Patrýldik avtomobilderinde ornatylǵan jyldamdyq rejimin avtomatty tirkeýdiń bes mobildi «Kiber-Sherif» kesheni iske qosyldy. Olarmen 300-den astam quqyqbuzýshylyq anyqtaldy. Jyl basynan bastap politsiia departamenti oblystyń kóshe-jol jelisine 3 myńnan astam tekserý júrgizgen. Tekserý qorytyndysy boiynsha jol qozǵalysynyń qaýipsizdigine teris áser etetin 11 583 aqaý anyqtaldy, olardyń nátijeleri boiynsha anyqtalǵan kemshilikterdi joiý boiynsha 3 253 nusqama berildi (3 172 nusqama boiynsha kemshilikter joiyldy).
Túrkistan oblysyndaǵy joldarda kóktaiǵaqtyń aldyn alýǵa qajetti inertti materialdar tolyq aýdan, qalalardaǵy qoimalarǵa tasymaldanyp, jinaqtaldy. Júzden astam arnaiy tehnika jasaqtalǵan. Avtomobil joldarynyń jai-kúiin kúndelikti baqylaý kúsheitilgen. Qys ailarynda avtomobil joldarynda avtokólikterdiń qaýipsiz jáne úzdiksiz júrýin qamtamasyz etý jáne tótenshe jaǵdailardyń aldyn alý jumystary oblys basshylyǵy tarapanan qatań baqylaýda.
Túrkistan oblysy aýmaǵyndaǵy oblystyq mańyzy bar avtomobil joldarynyń jalpy uzyndyǵy 4 myń shaqyrymnan asady.
