Túrkistan oblysynda oryn alǵan jol kólik oqiǵasy kezinde 4 adam qaitys bolyp, 1 adam jansaqtaý bólimine jetkizildi. Bul týraly Túrkistan oblystyq Politsiia departamentiniń baspasóz qyzmeti facebook-tegi paraqshasynda jazdy.
«2019 jyldyń 2 tamyzynda keshki ýaqytta Tólebi aýdanynyń aimaǵy Almaty-Tashkent-Termez jolynda jol apaty boldy. Shymkent qalasyna qarai baǵyt alǵan júk kóligi qarama qarsy baǵytqa shyǵyp ketip, «Aýdi» markaly jeńil kóligi men «Kamaz»júk kóligimen soqtyǵysyp, sodan soń janyp ketken. Jol kólik oqiǵasynyń saldarynan «Aýdi» kóliginiń júrgizýshisi men eki jolaýshysy qaza boldy, al júk kóliginiń júrgizýshisi aýrýhanaǵa jetpesten kóz jumdy. Sondai-aq «Aýdi» kóliginiń bir jolaýshysy dene jaraqattarymen jan saqtaý bólimine jetkizildi» delingen habarlamada.
Sondai-aq onda «Kamaz» kóliginiń júrgizýshisi din aman ekendigi aitylady. Qazirgi tańda atalǵan jait boiynsha QR Qylmystyq kodeksiniń 345-baby «Kólik quraldaryn basqaratyn adamdardyń jol júrý nemese kólik quraldaryn paidalaný qaǵidalaryn buzýy» boiynsha sotqa deiingi tekserý amaldary júrgizilýde.
Saraptamalar taǵaiyndaldy. Politseiler oqiǵanyń tolyq mán-jaiyn anyqtaýda.
