تٷركٸستان وبلىسىندا ورىن العان جول كٶلٸك وقيعاسى كەزٸندە 4 ادام قايتىس بولىپ, 1 ادام جانساقتاۋ بٶلٸمٸنە جەتكٸزٸلدٸ. بۇل تۋرالى تٷركٸستان وبلىستىق پوليتسييا دەپارتامەنتٸنٸڭ باسپاسٶز قىزمەتٸ facebook-تەگٸ پاراقشاسىندا جازدى.
«2019 جىلدىڭ 2 تامىزىندا كەشكٸ ۋاقىتتا تٶلەبي اۋدانىنىڭ ايماعى الماتى-تاشكەنت-تەرمەز جولىندا جول اپاتى بولدى. شىمكەنت قالاسىنا قاراي باعىت العان جٷك كٶلٸگٸ قاراما قارسى باعىتقا شىعىپ كەتٸپ, «اۋدي» ماركالى جەڭٸل كٶلٸگٸ مەن «كاماز»جٷك كٶلٸگٸمەن سوقتىعىسىپ, سودان سوڭ جانىپ كەتكەن. جول كٶلٸك وقيعاسىنىڭ سالدارىنان «اۋدي» كٶلٸگٸنٸڭ جٷرگٸزۋشٸسٸ مەن ەكٸ جولاۋشىسى قازا بولدى, ال جٷك كٶلٸگٸنٸڭ جٷرگٸزۋشٸسٸ اۋرۋحاناعا جەتپەستەن كٶز جۇمدى. سونداي-اق «اۋدي» كٶلٸگٸنٸڭ بٸر جولاۋشىسى دەنە جاراقاتتارىمەن جان ساقتاۋ بٶلٸمٸنە جەتكٸزٸلدٸ» دەلٸنگەن حابارلامادا.
سونداي-اق وندا «كاماز» كٶلٸگٸنٸڭ جٷرگٸزۋشٸسٸ دٸن امان ەكەندٸگٸ ايتىلادى. قازٸرگٸ تاڭدا اتالعان جايت بويىنشا قر قىلمىستىق كودەكسٸنٸڭ 345-بابى «كٶلٸك قۇرالدارىن باسقاراتىن ادامداردىڭ جول جٷرۋ نەمەسە كٶلٸك قۇرالدارىن پايدالانۋ قاعيدالارىن بۇزۋى» بويىنشا سوتقا دەيٸنگٸ تەكسەرۋ امالدارى جٷرگٸزٸلۋدە.
ساراپتامالار تاعايىندالدى. پوليتسەيلەر وقيعانىڭ تولىق مەن-جايىن انىقتاۋدا.
