Kollaj: Tengrinews.kz
Qazyǵurt aýdanynda nóser saldarynan bolǵan jaǵdaidy qalpyna keltirý jumystary júrgizilip jatyr, - dep habarlaidy Tengrinews.kz tilshisi Qazyǵurt aýdanynyń baspasóz qyzmetine silteme jasap.
"2022 jylǵy 24 sáýirde jaýyn saldaryn anyqtaý úshin aýdan ákimi Arman Abdýllaev bastap, tótenshe jaǵdai jáne arnaiy mekemeler, arnaiy tehnikalar jumyldyryldy. Qaqpaq, Saraphana, Shanaq, Qyzylqiia, Qarabaý aýyl okrýgterindegi jaǵdaidy qalypqa keltirý boiynsha sýdy motopompa arqyly shyǵarý jumystary júrgizilip jatyr", - delingen habarlamada.
Arnaiy tótenshe jaǵdai qyzmetkerleri Qaqpaq aýyl okrýgi Zańǵar eldi mekeni, Qyzylqiia aýyl okrýgi Qyzylseńgir eldi mekenderin retke keltirý boiynsha motopompa arqyly sýdy shyǵarǵany aityldy.
Shanaq eldi mekenindegi jaǵdaidy qalpyna keltirý úshin arnaiy kólikter men tótenshe jaǵdai qyzmetkerleri tartylǵan. Aýyl turǵyndary qaýipsiz jerge shyǵarylyp, sý kirgen úilerden motopompa arqyly sý shyǵarý jumystary júrgizilip jatyr.
Qazyǵurt aýdany ákimdiginiń Facebook-paraqshasynda keibir aýyldardaǵy mal shyǵynynyń kólemi aitylǵan.
"Saraphana aýyl okrýgi, Jińishke eldi mekeninde sel ótken. Saraphana eldi mekeninde 200-dei mal shyǵyny bolǵan. Qaqpaq eldi mekeninde 200-ge jýyq (qoi, eshki) mal shyǵyny bolǵan. Qarabaý eldi mekeninde 15 úidi sý basqan. Qyzylqiia aýyldyq okrýgi Tuǵyrtas eldi mekeninde 1 úidi, Qyzylseńgir eldi mekeninde 12 úidi sý basqan", - delingen habarlamada.
Aýdan ákimi osy jaittardy qalpyna keltirý jáne shyǵyndaryn esepteý jóninde shuǵyl tapsyrma bergen.
Áleýmettik jelide Qazyǵurt aýdanyndaǵy jaǵdaidyń videosy tarap jatyr.
