كوللاج: Tengrinews.kz
قازىعۇرت اۋدانىندا نٶسەر سالدارىنان بولعان جاعدايدى قالپىنا كەلتٸرۋ جۇمىستارى جٷرگٸزٸلٸپ جاتىر, - دەپ حابارلايدى Tengrinews.kz تٸلشٸسٸ قازىعۇرت اۋدانىنىڭ باسپاسٶز قىزمەتٸنە سٸلتەمە جاساپ.
"2022 جىلعى 24 سەۋٸردە جاۋىن سالدارىن انىقتاۋ ٷشٸن اۋدان ەكٸمٸ ارمان ابدۋللاەۆ باستاپ, تٶتەنشە جاعداي جەنە ارنايى مەكەمەلەر, ارنايى تەحنيكالار جۇمىلدىرىلدى. قاقپاق, ساراپحانا, شاناق, قىزىلقييا, قاراباۋ اۋىل وكرۋگتەرٸندەگٸ جاعدايدى قالىپقا كەلتٸرۋ بويىنشا سۋدى موتوپومپا ارقىلى شىعارۋ جۇمىستارى جٷرگٸزٸلٸپ جاتىر", - دەلٸنگەن حابارلامادا.
ارنايى تٶتەنشە جاعداي قىزمەتكەرلەرٸ قاقپاق اۋىل وكرۋگٸ زاڭعار ەلدٸ مەكەنٸ, قىزىلقييا اۋىل وكرۋگٸ قىزىلسەڭگٸر ەلدٸ مەكەندەرٸن رەتكە كەلتٸرۋ بويىنشا موتوپومپا ارقىلى سۋدى شىعارعانى ايتىلدى.
شاناق ەلدٸ مەكەنٸندەگٸ جاعدايدى قالپىنا كەلتٸرۋ ٷشٸن ارنايى كٶلٸكتەر مەن تٶتەنشە جاعداي قىزمەتكەرلەرٸ تارتىلعان. اۋىل تۇرعىندارى قاۋٸپسٸز جەرگە شىعارىلىپ, سۋ كٸرگەن ٷيلەردەن موتوپومپا ارقىلى سۋ شىعارۋ جۇمىستارى جٷرگٸزٸلٸپ جاتىر.
قازىعۇرت اۋدانى ەكٸمدٸگٸنٸڭ Facebook-پاراقشاسىندا كەيبٸر اۋىلدارداعى مال شىعىنىنىڭ كٶلەمٸ ايتىلعان.
"ساراپحانا اۋىل وكرۋگٸ, جٸڭٸشكە ەلدٸ مەكەنٸندە سەل ٶتكەن. ساراپحانا ەلدٸ مەكەنٸندە 200-دەي مال شىعىنى بولعان. قاقپاق ەلدٸ مەكەنٸندە 200-گە جۋىق (قوي, ەشكٸ) مال شىعىنى بولعان. قاراباۋ ەلدٸ مەكەنٸندە 15 ٷيدٸ سۋ باسقان. قىزىلقييا اۋىلدىق وكرۋگٸ تۇعىرتاس ەلدٸ مەكەنٸندە 1 ٷيدٸ, قىزىلسەڭگٸر ەلدٸ مەكەنٸندە 12 ٷيدٸ سۋ باسقان", - دەلٸنگەن حابارلامادا.
اۋدان ەكٸمٸ وسى جايتتاردى قالپىنا كەلتٸرۋ جەنە شىعىندارىن ەسەپتەۋ جٶنٸندە شۇعىل تاپسىرما بەرگەن.
ەلەۋمەتتٸك جەلٸدە قازىعۇرت اۋدانىنداعى جاعدايدىڭ ۆيدەوسى تاراپ جاتىر.
