Túrkistan oblysynda karantin men shekteý sharalary uzartyldy. Óńirdiń Bas memlekettik sanitariialyq dárigeri Nurbek Nyshanovtyń qaýlysyna sáikes, azamattardyń qoǵamdyq oryndar júrip-turýyna bailanysty jáne áleýmettik, kásipkerlik nysandardyń jumys kestesine qatysty tártip sharalardyń normalary bekitilgen, dep habarlaidy "Ult aqparat".
Jańa qaýlyǵa sáikes, jabyq bazarlardyń qyzmeti demalys jáne mereke kúnderi toqtatylǵan. Jumys kúnderi saǵat 09.00-den 19.00-ge deiin qyzmet kórsetip, úi janyndaǵy dúkenderge saǵat 09.00-den 23.00-ge deiin jumys isteýine ruqsat berilip otyr. Al, mal bazarlar sanitariialyq-dezinfektsiialyq rejimdi kúsheite otyryp, tek sársenbi kúni jumys isteýine ruqsat etilgen.
Sonymen qatar, alyp ketý jáne jetkizip berý rejiminde jumys isteitin nysandardan basqa, qoǵamdyq tamaqtaný obektileriniń qyzmeti demalys kúnderi men mereke kúnderi jumysyn toqtatýy tiis.
Dúisenbi-juma kúnderi saǵat 09.00-den 23.00-ge deiin qyzmet kórsetýge ruqsat berilse, sanitariialyq-dezinfektsiialyq rejimdi saqtaý arqyly 2 metr áleýmettik qashyqtyq saqtaý mindettelgen.
Al, saýda salasyndaǵy nysandar men onyń ishinde pisirilgen ónimderdi, fast-fýdty, balmuzdaqty, sýsyndardy ótkizý dúńgirshekteri qyzmeti kúsheitilgen sanitariialyq-dezinfektsiialyq rejimmen saǵat 09.00-den 23.00-ge deiin jumys isteýine ruqsat berilgen. Qurylys, optika, gúl dúkenderi men zoomagazinderdiń qyzmeti jumys kúnderi saǵat 09.00-den 18.00-ge deiin, demalys jáne mereke kúnderi jumysy toqtatylyp otyr.
Sulýlyq salondarynyń, shashtarazdardyń, SPA-ortalyqtardyń kosmetologiialyq qyzmet kórsetetin obektiler qyzmeti (1 kelýshige 4 sh.m. deiin, aldyn ala jazylý boiynsha, jazylý jýrnalyn júrgizýmen, jazylý jýrnalyn nómirleý jáne tigý) saǵat 09.00-den 21.00-ge deiin shekteledi. Monshalar men saýnalardyń qyzmeti 50 paiyzdan aspaityn syiymdylyqta saǵat 10.00-den 21.00-ge deiin, demalys (senbi-jeksenbi) jáne mereke kúnderi jumysy toqtatylady. Mektepke deiingi balalar mekemeleriniń kezekshi toptarynyń qyzmeti 15 adamnan artyq emes jumys isteýine ruqsat etilgen.
Fitnes-ortalyqtary men sporttyq-saýyqtyrý ortalyqtary 30 paiyzdan aspaityn syiymdylyqpen, árbir janǵa 5 sharshy metr aýmaqtan kem emes, aldyn ala jazylý jýrnaly arqyly jumys istep otyr. Mundai nysandar da demalys jáne mereke kúnderi qyzmet kórsetpeidi.
