Túrkistan oblysynda indet juqtyrǵan úsh adam Nur-Sultan qalasynan kelgen áielmen qarym-qatynasta bolǵany anyqtaldy. Bul týraly oblys ákiminiń orynbasary Sáken Qalqamanov Facebook paraqshasynda jariialady, dep habarlaidy "Ult aqparat".
Sáken Qalqamanovtyń aitýynsha, óńirde búgin koronavirýs juqtyrǵan taǵy tórt adamnyń turǵylyqty jeri belgili boldy.
«Úsh adam Nur-Sultan qalasynan kelgen áielmen jaqyn qarym-qatynasta bolǵan. Al, besinshi naýqas Almaty qalasynan kelgen. Osy jaǵdaiǵa qatysty ózge málimetterdi onlain brifingte aitatyn bolamyz», delingen habarlamada.
Aita keteiik, keshe Túrkistan oblysynda bir adamnyń indet juqtyrǵany anyqtalǵan. Ol 23 naýryz kúni Pavlodar-Qyzylorda baǵytyndaǵy poezben kelgen Jetisai aýdanynyń turǵyny bolyp shyqty. Ol, 27 naýryzda qyzýy kóterilip, aýrýhanaǵa 30 naýryz kúni qaralǵan. Ázirge anyqtalǵany - naýqaspen 16 adam qarym-qatynasta bolǵan. 5 adam Nur-Sultan qalasynda bailanysta bolsa, 11 adam Jetisai qalasynyń turǵyndary ekeni rastaldy.
