Áleýmettik jelide 9 jastaǵy qyz balanyń baliǵatqa tolýyna qatysty aitylǵan pikirler qyzý talqyǵa tústi, dep habarlaidy ult.kz.
Jelide taraǵan videoda Qabylbek ustaz baliǵat jáne kámelet jasyna qatysty pikir bildirgen.
«Baliǵat jas bar, kámelet jas bar bizde. Qyz bala baliǵatqa 9 jasqa tolady. 9 jasynan Allanyń shariǵatyn oryndaýy kerek», – dedi ol.
Onyń bul sózine jeli qoldanýshylary da pikir bildirdi. Olardyń biri 9 jastaǵy qyz balanyń fizikalyq turǵydan bala týýy múmkin ekenin alǵa tartqan.
«9 jasar qyz jetilmegen dep aita almaisyń. Bala týady ol. Týa alady. Qatyn bola alady ol», – dedi TikTok qoldanýshysy.
Al bloger-psiholog bul pikirlerge alańdaýshylyq bildirdi. Ol 9 jastaǵy balany «áiel bolýǵa laiyqty» dep qarastyrýǵa bolmaitynyn aityp, mundai málimdemelerge quqyqtyq baǵa berilýi kerek dep sanaidy.
«9 jasar bala kimge áiel bolmaq? Kimge ana bolmaq?» – deidi bloger Aqmaral Orynbaeva.
Bloger sondai-aq mundai pikirler balalarǵa qatysty zorlyq-zombylyq máselesine keri áser etýi múmkin ekenin aityp, quzyrly organdardy shara qoldanýǵa shaqyrdy.
