تٷركٸستان وبلىسىندا ٸندەت جۇقتىرعان ٷش ادام نۇر-سۇلتان قالاسىنان كەلگەن ەيەلمەن قارىم-قاتىناستا بولعانى انىقتالدى. بۇل تۋرالى وبلىس ەكٸمٸنٸڭ ورىنباسارى سەكەن قالقامانوۆ Facebook پاراقشاسىندا جارييالادى, دەپ حابارلايدى "ۇلت اقپارات".
سەكەن قالقامانوۆتىڭ ايتۋىنشا, ٶڭٸردە بٷگٸن كوروناۆيرۋس جۇقتىرعان تاعى تٶرت ادامنىڭ تۇرعىلىقتى جەرٸ بەلگٸلٸ بولدى.
«ٷش ادام نۇر-سۇلتان قالاسىنان كەلگەن ەيەلمەن جاقىن قارىم-قاتىناستا بولعان. ال, بەسٸنشٸ ناۋقاس الماتى قالاسىنان كەلگەن. وسى جاعدايعا قاتىستى ٶزگە مەلٸمەتتەردٸ ونلاين بريفينگتە ايتاتىن بولامىز», دەلٸنگەن حابارلامادا.
ايتا كەتەيٸك, كەشە تٷركٸستان وبلىسىندا بٸر ادامنىڭ ٸندەت جۇقتىرعانى انىقتالعان. ول 23 ناۋرىز كٷنٸ پاۆلودار-قىزىلوردا باعىتىنداعى پوەزبەن كەلگەن جەتٸساي اۋدانىنىڭ تۇرعىنى بولىپ شىقتى. ول, 27 ناۋرىزدا قىزۋى كٶتەرٸلٸپ, اۋرۋحاناعا 30 ناۋرىز كٷنٸ قارالعان. ەزٸرگە انىقتالعانى - ناۋقاسپەن 16 ادام قارىم-قاتىناستا بولعان. 5 ادام نۇر-سۇلتان قالاسىندا بايلانىستا بولسا, 11 ادام جەتٸساي قالاسىنىڭ تۇرعىندارى ەكەنٸ راستالدى.
