Foto: Túrkistan oblysynyń ákimdigi
Túrkistan oblysynda Qazaqstan men Frantsiia birlesip salǵan ýran óńdeý zaýyty iske qosyldy, dep habarlaidy oblystyq ákimdiktiń baspasóz qyzmeti.
Zaýyttyń jalpy quny – 74,7 mlrd teńge. Ol jerde "Ońtústik Tórtqudyq" ken ornynyń ońtústik bóliginde óndirilgen jáne quramynda ýran bar eritindilerdi óńdeidi. Ázirshe jylyna 2000 tonna ýran óńdeý josparlanyp otyr. Al Tórtqudyqtyń ońtústik ýchaskesiniń tolyq integratsiiasy arqyly bul kórsetkishti 4000 tonnaǵa deiin arttyrý qarastyrylǵan.
Jańa zaýyttyń qurylysy úsh jyldyń ishinde atqaryldy. Joba aiasynda gidrotehnikalyq jeliler, asfalt jáne qiyrshyq tasty joldar, elektr jelileri men jańa transformatorlyq qosalqy stantsiia da salyndy.
Aita keteri, Sozaq aýdanyndaǵy zaýytty "KATKO" qazaqstandyq-frantsýzdyq birikken kásiporny" JShS salyp shyqty. Bul kompaniia Túrkistan oblysyndaǵy eń iri jumys berýshilerdiń biri bolyp sanalady. Qazirgi kezde 1300 adamdy jumyspen qamtyp otyr.
