Túrkistan oblysynda turǵyndar karantin talaptaryna baǵynbastan kókpar uiymdastyrýdy toqtatpai otyr. Jyl basynan beri oblysta jeti ret kókpar uiymdastyrý jaity tirkelgen, dep habarlaidy "Ult aqparat".
Oblystyq PD baspasóz qyzmetiniń málimetinshe, Jetisai aýdany politseiler kezekti reid júrgizý barysynda kókpar oiyny uiymdastyrylyp jatqanyn anyqtaǵan.
Jergilikti turǵyn 200-ge jýyq adamdy jinap, kókpar berip jatqany belgili boldy.
Tártip saqshylary oiyndy dereý toqtatyp, qatysýshylardy úilerine qaitarǵan. Olarǵa túsindirý jumysyn júrgizgen.
Al, oiyndy uiymdastyrýshyǵa qatysty QR ÁQBtK 425-baby boiynsha ákimshilik hattama toltyrǵan.
Jinalǵan materialdar zańdy sheshim qabyldaý úshin Jetisai aýdandyq sanitariialyq-epidemiologiialyq ortalyǵyna joldanǵan.
Dál osyndai jait Arys aýdanynda da oryn alǵan. Arys APB qyzmetkerleri aýdan ortalyǵynyń batys betkeiinde kókpar ulttyq oiyny ótip jatqanyn anyqtaǵan.
Atalǵan kókparǵa 100-ge tarta turǵyn jinalypty.
Sanitarlyq talaptarǵa baǵynbaǵan kókpar uiymdastyrýshy da ákimshilik jazaǵa tartylyp, aiyppul tóleitin boldy.
