Túrkistan oblysynda tasqynǵa tap bolǵan aýdandardaǵy sý sapasy kúndelikti tekseriledi. Bul týraly tolyǵyraq Ekologiia, geologiia jáne tabiǵi resýrstar vitse-ministri Ahmetjan Pirimqulov aityp berdi, dep habarlaidy QazAqparat.
«14 mamyrda Ekologiia, geologiia jáne tabiǵi resýrstar ministri Maǵzum Myrzaǵaliev Ózbekstannyń sý sharýashylyǵy ministrimen Shymkentte kezdesý ótkizdi. Kelissózder barysynda Sardoba sý qoimasyna halyqaralyq jáne qazaqstandyq sarapshylardyń qatysýymen tehnikalyq aýdittiń júrgiziletini jaily sheshim qabyldandy. Osy tekseristiń nátijesi boiynsha sý qoimasynyń taǵdyry naqty sheshiledi», - dedi Ahmetjan Pirimqulov.
Onyń aitýynsha Túrkistan oblysyndaǵy tótenshe ahýaldyń alǵashqy kúninen bastap oqiǵa ornynda «Qazgidromet» mamandary jumys júrgizip, kún saiyn monitoring jasaýda. Olar kúndelikti sondaǵy sý sapasyn tekserip jatyr.
«Qazirgi tańda adamdardyń ómiri men densaýlyǵyna ziian keltiretindei qandai da bir ziiandy zattar kezdesken joq. Monitoring jalǵasady. Onyń nátijesi týraly alda qosymsha habarlaimyz», - deidi vitse-ministr.
