Foto: ashyq derekkóz
Túrkistan oblysy prokýratýrasynyń Sotqa deiingi tergep-tekserý basqarmasynyń arnaiy prokýrorlary zańsyz sýbsidiia jymqyrǵan faktisin sotqa joldaǵan, dep habarlaidy Ult.kz.
Tergeý barysynda anyqtalǵany, aýdandyq veterinariia qyzmetiniń 4 mamandary aýyl turǵynymen birge sóz bailasyp, sharýa qojalyqtarynyń attaryna is júzinde bolmaǵan 100 myń bas shamasyndaǵy usaq maldy aqparattyq júiede zańsyz tirkep 271 mln sýbsidiiany jymqyryp, ózara bólisken.
Túrkistan qalasynyń sotymen alaiaqtyq jolmen, joq maldarǵa jalǵan qujattar ázirlep, sýbsidiia qarajatyn jymqyrǵan 5 tulǵa kináli dep tanylyp, 4 kúdikti 5,2 jyl merzimge bas bostandyǵynan aiyrý jazasyna sottaldy, bir adamǵa bas bostandyǵyn shekteý jazasy taǵaiyndalyp, sońynan sot raqymshylyq aktisin qoldanyp isti toqtatty.
Memlekettiń paidasyna 50 mln teńge óndirildi, sonymen birge 120 mln teńgege múlikke tyiym salyndy.
Túrkistan oblysy prokýratýrasy memleketten bólingen sýbsidiia qarajatyn jymqyrǵany úshin qylmystyq jaýaptylyqqa kózdelgenin jáne ol áreketter úshin 10 jylǵa deiin bas bostandyǵynan aiyrylýy múmkin ekenin eskertedi.
