Foto: Ǵylym jáne joǵary bilim ministrligi
Zhanibekov University arheologiialyq ortalyǵynyń zertteýshileri Túrkistan oblysynyń Ordabasy aýdanyndaǵy Bógen sý qoimasynda barlaý jumystaryn júrgizdi, dep habarlaidy Ǵylym jáne joǵary bilim ministrligi.
Biyl jyl basynan bastalǵan qýańshylyqtyń saldarynan qoimanyń arnasy tarylǵan edi. Sý qoimasy astynda qalǵan tarihi-mádeni eskertkishterge ekspeditsiia bir aptaǵa jalǵasyp, nátijesinde qundy jádigerler tabyldy.
Zertteýshilerdiń aitýynsha bul jádigerler – keiingi paleolit pen mezolit kezeńine tiesili eńbek quraldary. Bir jerde shoǵyrlanǵan keiingi paleolit kezeńine tiesili 10-ǵa jýyq haltsedon tasy, nýkleýster jáne kesýge, jonýǵa arnalǵan tas plastinalar bar. Sý erozitsiiasy nátijesinde tas kezeńine tiesili jádigerler muqiiat zerttelindi.
"Sonymen qatar keiingi qola dáýirine jatatyn birneshe jerleý oryndaryna qazba jumystary júrgizildi. Jerleý ornynda adam múrdesi nashar saqtalǵan. Syrty geometriialyq syzyqtarmen bezendirilgen keramikalyq ydystar, sondai-aq ortańǵy bóligi qoladan jasalyp, syrty altynmen kómkerilip qaptalǵan samai áshekeiin erekshe aitýǵa bolady. Shyǵyrshyq, qoladan jasalynǵan qos bilezik, kenerli syrǵa men bas kiimdi ásemdeýge paidalanǵan kóptegen usaq monshaq ta tabyldy", - deidi ǵalymdar.
