Foto: QR ǴJBM
Ózbekáli Jánibekov atyndaǵy Ońtústik Qazaqstan pedagogikalyq ýniversitetiniń arheologtary Túrkistan oblysy, Ordabasy aýdanyndaǵy Bógen sý qoimasynan qundy tarihi jádigerlerdi anyqtady, dep habarlaidy Ult.kz.
Zertteý jumystary qoimanyń sýy tartylǵannan keiin bastalǵan. Bir aptaǵa jalǵasqan ekspeditsiia barysynda arheologtar keiingi paleolit pen mezolit kezeńine tiesili eńbek quraldaryn tapty. Atap aitqanda, haltsedon tastan jasalǵan nýkleýster men kesýge arnalǵan tas plastinalar tabylyp, sý eroziiasynyń áserinen ashylǵan oryndarda muqiiat zertteldi.
Sonymen qatar keiingi qola dáýirine jatatyn jerleý oryndary qazyldy. Onda geometriialyq órnekpen bezendirilgen keramikalyq ydystar, altyn qaptalǵan samai áshekeii, qoladan jasalǵan bilezikter, syrǵalar jáne usaq monshaqtar tabyldy. Ǵalymdardyń aitýynsha, mundai buiymdar Túrkistan óńirinde alǵash ret kezdesti.
Ekspeditsiia barysynda qańly-sarmat kezeńine jatatyn jaýynger jerlengen oryn da anyqtaldy. Qazba kezinde úsh qanatty jebe ushtary, turmystyq pyshaq, qumyra jáne toǵa tabyldy. Ol b.z.d. I ǵasyr – b.z. I ǵasyryna tiesili dep boljanýda.
Arheologtar bul tabystar óńirde kóne dáýirden beri adam qonystanǵanyn dáleldeidi deidi. Barlyq jádigerler zerdelenip, keiinnen murajai qoryna ótkiziledi.
