Foto: Ashyq derekkóz
Túrkistan oblysynyń qylmystyq ister jónindegi mamandandyrylǵan aýdanaralyq sotynda sheteldik azamatqa qatysty qylmystyq is qaraldy, dep habarlaidy inbusiness.kz .
Kúdikti Saryaǵash aýdanyndaǵy "Jibek joly" shekara beketinde ustaldy. Qyzmettik itter onyń qol júginen tyiym salynǵan zattardy tapty. Tekserý kezinde sómkesinen 0,0642 gr gashish, 0,1156 gr jáne 0,0810 gr keptirilgen marihýana, al kóliginen 56,22 gr mefedron, 3,23 gr gashish jáne 1,40 gr keptirilgen marihýana anyqtaldy.
Sottalýshynyń ókinýi jáne jas balalarynyń bolýy jazany jeńildetetin mán-jai retinde eskerildi. Aýyrlatatyn jaǵdailar tirkelgen joq.
Sot úkimimen ol 13 jylǵa bas bostandyǵynan aiyrylyp, "Chevrolet Cobalt" markaly kóligi memleket menshigine tárkilendi. Úkim zańdy kúshine engen joq.
