Foto: Polisia.kz
Túrkistan oblysynda politsiia jergilikti kásipkerden aqsha bopsalady degen kúdikpen shymkenttik blogerdi ustady, dep habarlaidy Ult.kz.
Túrkistan oblysy PD uiymdasqan qylmysqa qarsy kúres basqarmasynyń qyzmetkerleri er adamnyń áleýmettik jelide jábirlenýshiniń bedeline nuqsan keltiretin málimetterdi jariialaimyn dep qorqytyp, odan 2000 AQSh dollaryn alyp, taǵy 4 million teńge talap etkeni anyqtaldy.
Jedel ýákilder jedel-izdestirý is-sharalarynyń nátijesinde blogerdi Sairam aýdany kafeleriniń birinde 6900 AQSh dollary somasynda aqsha alyp jatqan sátinde ustady.
Osy fakti boiynsha sotqa deiingi tergeý amaldary júrgizilýde. Kúdikti ýaqytsha ustaý izoliatoryna qamaldy. Barlyq mán-jailardy anyqtaýǵa baǵyttalǵan jedel-tergeý is-sharalary jalǵasýda.
