Túrkistan oblysynda «Qazyǵurt» shekara beketinen aýdandyq politsiiaǵa habarlama kelip túsken. Oqiǵa ornyna jetken Saryaǵash APB-niń shuǵyl tergeý toby sheteldik azamattyń kóliginen «Nifi» atty qfyzmettik ittiń kómegimen jasyrylǵan esirtki zatyn tapty. Qyzmettik it Ózbekstan Respýblikasyna qarai ótip bara jatqan «Volvo» markaly júk kóligine úrip, belgi bergen, - dep habarlaidy «Ult aqparat».
Oblystyq PD baspasóz qyzmetiniń málimetinshe, Tintý barysynda jedel ýákilder ózine tán hosh iisi bar 1 paket esirtki zatyn tárkilegen. Saraptama qorytyndysyna sáikes, tárkilengen esirtki 26 gramǵa jýyq keptirilgen marihýana bolyp shyqty.
«Qazirgi ýaqytta atalǵan jait QR QK-niń 296-baby «Esirtki, psihotroptyq zattardy, sol tektesterdi ótkizý maqsatynsyz zańsyz daiyndaý, qaita óńdeý, iemdený, saqtaý, tasymaldaý» boiynsha qylmystyq is tirkelip, kúdikti ýaqytsha ustaý abaqtysyna qamaýǵa alyndy. Politsiia qyzmetkerleri oqiǵanyń tolyq mán-jaiyn anyqtaýda», - delingen habarlamada.
Elbasynyń 2000 jylǵy 16 mamyrdaǵy No395 Jarlyǵymen «Qazaqstan Respýblikasynda nashaqorlyqqa jáne esirtki biznesine qarsy kúrestiń 2001-2003 jyldarǵa arnalǵan memlekettik baǵdarlamasy» bekitilip, elimizdiń birqatar aimaǵynda kinologiialyq ortalyqtar óz jumysyn bastaǵan edi. Osy ýaqyttan beri aqyldy itterdiń kómegimen ashylǵan qylmystar kóp. Bul qyzmetke olar 6 aiynan bastap jattyqtyrylsa, 7 jasqa kelgende zeinetke shyǵarylady. Sebebi, itter qartaiǵan saiyn boiyndaǵy qabiletterinen airylyp, álsirei bastaityn kórinedi. Al baby kelisip turǵan itter 8-9 jyl qyzmette bolady. Olar da áskeri adamdar siiaqty mezgilimen dárigerge qaralyp, sáikesinshe tamaqtanady. Bir aita keterligi, itter de adamdar siiaqty ózindik minezge ie. Arasynda qýy da, aqymaǵy men aqyldysy da bolady. Al melanholik itterge kinologiialyq ortalyqta oryn joq. Kerisinshe, holerikter men sangvinikter esirtki izdeýde erekshe qabiletti bolsa, olardy izge túsý kezinde de paidalanady. Eń qaýipti jumys flegmatik itterge tapsyrylady. Jarylǵysh zattar men qarýdy izdeýde olardan asyp túsetin itter joq.
Esterińizge sala keteiik, Túrkistan oblysynda «Qazyǵurt» shekara beketinen aýdandyq politsiiaǵa habarlama kelip túsken. Oqiǵa ornyna jetken Saryaǵash APB-niń shuǵyl tergeý toby sheteldik azamattyń kóliginen «Nifi» atty qfyzmettik ittiń kómegimen jasyrylǵan esirtki zatyn tapty. Qyzmettik it Ózbekstan Respýblikasyna qarai ótip bara jatqan «Volvo» markaly júk kóligine úrip, belgi bergen.
