Foto: Gov.kz.
Túrkistan oblysynda ózindik kiris kózderin artyrý, «kóleńkeli ekonomikamen» kúres, qosymsha kiris kózderin anyqtaý jumystary nátijesinde ózindik kirister men salyqtyq túsimder kólemi ulǵaidy. Atalǵan saladaǵy máseleler oblys ákimdiginde talqylandy. Óńir basshysy Darhan Satybaldy bul baǵyttaǵy jumys qarqynyn arttyrýdy tapsyrdy, dep habarlaidy «Ult aqparat».
– Birinshi kezekte ózindik kiris kózderin arttyrý mańyzdy. Zaýyttar, óndiris oryndaryn ashý, investitsiia tartý jumysyn jandandyrý kerek. Aýdan, qala ákimderi men basqarma basshylary osy baǵyttaǵy jumysty kúsheitsin. Ekinshiden, salyq organdaryna tirkelmei júrgen kásipkerlerdi anyqtap, zań sheńberinde tirkeý shart. Bul rette jaýapty departament pen mekemelerdiń júieli ári tabandy jumysy qajet, – dedi Darhan Satybaldy.
Túrkistan oblysy boiynsha Memlekettik kirister departamentiniń basshysy Maqsat Nurahaevtyń aitýynsha, Túrkistan oblysy boiynsha jergilikti biýdjettiń salyqtyq túsimderdiń biylǵa bekitilgen jospary – 162 mlrd. teńge. Al 15 qarashada naqty túskeni – 150,6 mlrd. teńge. Jyldyq jospardyń oryndalýy 92,9%-dy qurap, 122,5% nemese 27,6 mlrd. teńgege ósken. Salyqtyq túsimderge taldaý júrgizý nátijesinde 15 qarashadaǵy naqty túsim somasy 150,6 mlrd. teńgeni qurady nemese 2023 jyldyń uqsas kezeńimen salystyrǵanda 27,6 mlrd. teńgege ósip otyr.
Aimaqta korporativtik tabys salyǵy boiynsha 15.11.2024 jylǵa bekitilgen jospar 14,6 mlrd. teńge bolsa, naqty túsim 15,4 mlrd. teńgeni qurap, jospar 105,3% paiyzǵa oryndaldy. Al jeke tabys salyǵy boiynsha jylǵa bekitilgen jospar 56,3 mlrd. teńge bolsa, naqty túsim 51,6 mlrd. teńgeni qurap, josapar 91,6% paiyzǵa oryndaldy. Ótken jyldyń tiisti kezeńimen salystyrǵanda 7,9 mlrd. teńgege artqan. 2024 jylǵa 11,8 mlrd. teńgeni quraityn qosymsha kiris kózderi boljamdalyp, búginde 7,2 mlrd. teńge óndirilgen. Jyl sońyna deiin 4,6 mlrd óndiriledi dep kútilýde.
