Foto: Robert Michael / DPA / TASS
Túrkistan oblysy Ordabasy aýdanynda oqýshy qyzdy óltirdi degen kúdikpen taǵy bir adam ustaldy, dep habarlaidy "Ult aqparat" Polisia.kz Telegram-arnasyna silteme jasap.
Jantúrshigerlik oqiǵaǵa qatysy bar degen ekinshi kúdiktiniń jeke basy anyqtalyp, qamaýǵa alyndy. Ol - jergilikti turǵyn.
"Kúdiktiler óz kinásin moiyndap, qylmystyq áreketti qalai jasaǵanyn oqiǵa ornynda naqtylap kórsetti.
Búgingi tańda eki jigit qamaýda otyr. Olarǵa qatysty Qylmystyq kodekstiń 99-baby 2-bóligi (“Adam óltirý”) boiynsha sotqa deiingi tergeý júrip jatyr.
Oqiǵanyń tolyq mán-jaiy tergeý barysynda anyqtalady. Tergeý isi Túrkistan oblysy politsiia departamenti basshylyǵynyń jiti baqylaýynda", - delingen IIM baspasóz qyzmetiniń habarlamasynda.
Eske sala ketsek, Ordabasy aýdanyndaǵy sýarý kanalynan 15 jastaǵy qyzdyń máiiti tabylǵan bolatyn. Qyzdyń keýdesinen pyshaq jaraqatynyń izderi anyqtalǵan. Kúdikti retinde 11-synyp oqýshysy ustalǵan.
