Túrkistan oblysynda qatty borannan oblystyq jáne respýblikalyq mańyzy bar joldar jabyldy. Bul týraly óńirdiń Tótenshe jaǵdailar departamentiniń baspasóz qyzmeti málimet etti, dep habarlaidy "Ult aqparat".
«Búgin saǵat 12:30-da respýblikalyq mańyzy bar A-2 «Qorǵas-Almaty-Taraz-Shymkent-Tashkent» avtojolynyń 593 - 654 shaqyrymy (Túlkibas aýdany, Mashat aýyly) bóliginde aýa raiynyń nasharlaýyna bailanysty barlyq kólik túrine qozǵalys toqtatyldy. Sebebi, burqasyn jel men qar, kórinýdiń nasharlaýy jolda júrýge kedergi keltirýde» delingen habarlamada.
Sondai-aq, búgin saǵat 11:30-da, Kentaý qalasy, oblystyq mańyzy bar KH-56 «Jambyl-Qumkent-Sholakqorǵan-Ashysai» a/j 44-124 shaqyrymy bóliginde aýa-raiynyń nasharlaýyna bailanysty joldar jabyldy.
Óńirdiń tótenshe jaǵdailar qyzmeti turǵyndarǵa eldi mekenderden tys jerlerge shyǵý qaýipti ekenin eskertedi.
