Túrkistan oblysynda jantúrshigerlik qylmys tirkeldi. Aldyn ala málimet boiynsha, Túlkibas aýdanynda múmkindigi shekteýli azamat óz anasyn pyshaqtap óltirgen, dep habarlaidy ult.kz.
Beiresmi aqparattarǵa sáikes, kúdikti shamamen 40 jasta jáne oǵan bala kezinen tserebraldy sal aýrýy (DTsP) diagnozy qoiylǵan. Aýyl turǵyndarynyń aitýynsha, qaiǵyly oqiǵa olardyń óz úiinde bolǵan. Azamat týǵan anasyna birneshe ret pyshaq jaraqatyn salyp, áiel oqiǵa ornynda kóz jumǵan.
Qazirgi ýaqytta mundai qadamǵa ne sebep bolǵany ázirge belgisiz. Oqiǵaǵa deiin anasy ulymen birge turyp kelgeni aitylady.
Túrkistan oblystyq politsiia departamenti atalǵan derekti rastady.
«Atalǵan fakti boiynsha qylmystyq is qozǵaldy. Kúdikti ustalyp, ýaqytsha ustaý izoliatoryna qamaldy. Qazirgi tańda oqiǵanyń barlyq mán-jaiyn anyqtaýǵa baǵyttalǵan tergeý amaldary júrgizilip jatyr», – dep habarlady politsiia.
