Foto: Pexels.com
Túrkistan oblysynda qylmystyq-atqarý júiesi mekemesinde zańsyz áreket jasaǵan alty sottalýshy jaýapqa tartyldy, dep habarlaidy Ult.kz.
Túrkistan oblysy prokýratýrasynyń Sotqa deiingi tergep-tekserý basqarmasynyń arnaiy prokýrorlary qylmystyq-atqarý júiesi mekemesi ákimshiliginiń talaptaryna baǵynbaý faktisi boiynsha qylmystyq isti sotqa joldaǵan.
Tergeý barysynda anyqtalǵandai, №55 mekemede qatań ustaý jasaǵynda aýyr jáne asa aýyr qylmysy úshin jazasyn ótep jatqan alty sottalýshy aldyn ala sóz bailasý arqyly mekeme ákimshiliginen zańsyz jeńildikter talap etken: túnde teledidar kórý, serýendeýge shyǵý, óz betinshe tamaq daiyndaý, belgilengen kiim úlgisin kimeý jáne ózge de zańmen tyiym salynǵan artyqshylyqtar.
Sottalýshylar zańsyz áreketterin uiymdastyrý maqsatynda ózderine jaraqat salǵan.
Sot olardyń árqaisysyn 5 jyldan 10 jylǵa deiin bas bostandyǵynan aiyrý jazasyna kesti jáne jazany burynǵydan da qatań jaǵdaida óteý týraly sheshim qabyldady.
