Túrkistan qalasynda alǵash ret ótken «Agrofest-2018» aýyl sharýashylyǵy festivali Jetisai aýdanynyń mereiin ústem etken shara boldy, dep habarlaidy "Ult aqparat".
Atap aitsaq, Jetisai aýdany «Maqta ósirýshi ozat aýdan» jáne «Baqsha óndirýden ozat aýdan» atandy. Sondai-aq, «Qarshyǵa» fermerlik qojalyǵy – «Ozat aýyl sharýashylyǵy ónimin eksporttaýshy», al «Kerimhan» sharýa qojalyǵy «Ozat baqsha óndirýshi» nominatsiiasymen marapattaldy. Budan bólek, Jetisai aýdany ákiminiń orynbasary Asan Mahanbetovke QR Aýyl sharýashylyǵy ministriniń arnaiy gramotasy tabys etildi.
Sondai-aq, jetisailyq sharýalar Túrkistanda ótken festivaldegi aýyl sharýashylyǵy jármeńkesine 10 tonnaǵa jýyq ónim aparǵan bolatyn.
Búgin aýdan ákimdiginiń apparat otyrysynda aýdan ákiminiń orynbasary Maqsat Joldasbekov keshegi aýyl sharýashylyǵy sharasyna belsene qatysqan qyzmetkerlerge aýdan ákimi Jamantai Beisenbaevtyń atynan alǵys bildirdi.
Aita keteiik, biyl Jetisai aýdanynda 127 myń tonnaǵa jýyq shitti maqta men 400 myń tonnadan astam baqsha ónimderi jinaldy. Jalpy, aýdanda 78 myń gektarǵa jýyq egistik jer bar bolsa, sonyń 48 myń tonnnasyna «aq altyn» dáni sebilgen bolatyn.
Túrkistan oblysynda «Maqta ósirýshi ozat aýdan» anyqtaldy
