تٷركٸستان قالاسىندا العاش رەت ٶتكەن «اگروفەست-2018» اۋىل شارۋاشىلىعى فەستيۆالٸ جەتٸساي اۋدانىنىڭ مەرەيٸن ٷستەم ەتكەن شارا بولدى, دەپ حابارلايدى "ۇلت اقپارات".
اتاپ ايتساق, جەتٸساي اۋدانى «ماقتا ٶسٸرۋشٸ وزات اۋدان» جەنە «باقشا ٶندٸرۋدەن وزات اۋدان» اتاندى. سونداي-اق, «قارشىعا» فەرمەرلٸك قوجالىعى – «وزات اۋىل شارۋاشىلىعى ٶنٸمٸن ەكسپورتتاۋشى», ال «كەرٸمحان» شارۋا قوجالىعى «وزات باقشا ٶندٸرۋشٸ» نوميناتسيياسىمەن ماراپاتتالدى. بۇدان بٶلەك, جەتٸساي اۋدانى ەكٸمٸنٸڭ ورىنباسارى اسان ماحانبەتوۆكە قر اۋىل شارۋاشىلىعى مينيسترٸنٸڭ ارنايى گراموتاسى تابىس ەتٸلدٸ.
سونداي-اق, جەتٸسايلىق شارۋالار تٷركٸستاندا ٶتكەن فەستيۆالدەگٸ اۋىل شارۋاشىلىعى جەرمەڭكەسٸنە 10 تونناعا جۋىق ٶنٸم اپارعان بولاتىن.
بٷگٸن اۋدان ەكٸمدٸگٸنٸڭ اپپارات وتىرىسىندا اۋدان ەكٸمٸنٸڭ ورىنباسارى ماقسات جولداسبەكوۆ كەشەگٸ اۋىل شارۋاشىلىعى شاراسىنا بەلسەنە قاتىسقان قىزمەتكەرلەرگە اۋدان ەكٸمٸ جامانتاي بەيسەنباەۆتىڭ اتىنان العىس بٸلدٸردٸ.
ايتا كەتەيٸك, بيىل جەتٸساي اۋدانىندا 127 مىڭ تونناعا جۋىق شيتتٸ ماقتا مەن 400 مىڭ توننادان استام باقشا ٶنٸمدەرٸ جينالدى. جالپى, اۋداندا 78 مىڭ گەكتارعا جۋىق ەگٸستٸك جەر بار بولسا, سونىڭ 48 مىڭ توننناسىنا «اق التىن» دەنٸ سەبٸلگەن بولاتىن.
تٷركٸستان وبلىسىندا «ماقتا ٶسٸرۋشٸ وزات اۋدان» انىقتالدى
