.jpeg)
Foto: Polisia.kz
Túrkistan oblysynda Qyzyl kitapqa engen ósimdikterdi zańsyz jinaǵandar ustaldy, dep habarlaidy Ult.kz.
Túrkistan oblysy politsiia departamentiniń uiymdasqan qylmysqa qarsy kúres basqarmasy qyzmetkerleri jedel-izdestirý is-sharalary barysynda Qazaqstan Respýblikasynyń Qyzyl kitabyna engizilgen sirek kezdesetin ósimdikterdi zańsyz jinaýmen ainalysqan tulǵalar tobynyń áreketine tosqaýyl qoidy.
Politseiler taýly aimaqtarda tyiym salynǵan ósimdik túrlerin jinady degen kúdikpen Tólebi aýdanynyń alty turǵynyn ustady.
Tekserý jáne tintý jumystary kezinde jalpy salmaǵy shamamen 100 keliden asatyn 3000-nan astam makrotomiia ósimdiginiń tamyry jáne arnaiy qoldan jasalǵan kúrekter tárkilendi.
Atalǵan derek boiynsha sirek kezdesetin, joiylý qaýpi tóngen jáne ainalymyna tyiym salynǵan ósimdiktermen zańsyz áreket etý faktisi boiynsha sotqa deiingi tergeý amaldary júrgizilýde.
Búginde istiń barlyq mán-jaiyn tolyq ári jan-jaqty anyqtaýǵa baǵyttalǵan tergeý áreketteri jalǵasyp jatyr.
Túrkistan oblysynyń politseileri azamattarǵa tabiǵatty qorǵaý zańnamasyn buzǵany úshin qatań jaýapkershilik qarastyrylǵanyn eskertedi jáne tabiǵi ortany saqtaýǵa, qorǵaýǵa shaqyrady.
