Túrkistan oblysynda COVID-19 infektsiiasyn juqtyrǵan naýqastar men dárigerler halyqqa úndeý joldady. Olar adamdardy saqtyq sharalaryn qadaǵalap, óz densaýlyǵyna nemquraily qaramaýǵa shaqyrdy, dep habarlaidy "Ult aqparat".
Koronavirýs indetine shaldyqqandardyń biri - Dildar Atahanova. Ol Kentaý qalalyq juqpaly aýrýlar aýrýhanasyna aýyr halde jetkizilgen. 52 jastaǵy naýqastyń tek besinshi kúni beti beri qaraǵan. Oǵan dárigerlerdiń shuǵyl meditsinalyq kómegi septigin tigizgen.
Túrkistandyq ana ókinishke orai ulynyń da osy aýrýǵa shaldyqqanyn aityp, koronovirýsqa senbeitinderdi abai bolýǵa shaqyrdy.
Aýrýhanada em qabyldap jatqan taǵy bir naýqas Tólegen Eztileýov - Arys qalasynyń turǵyny. 72 jastaǵy naýqas ta aýrýhanaǵa óte aýyr halde jetkizilgen. Qariianyń jaǵdaiy qazir jaqsarǵan. Zeinet jasyndaǵy aqsaqal bul derttiń tym qaýipti ekenin aityp, halyq arasynda koronavirýs indeti jalǵan degen qaýesetke senbeitinderge saqtaný kerektigin eskertti.
Aita keteiik, búgingi kúnge deiin Túrkistan oblysy boiynsha covid-19 infektsiiasyna 247 azamat shaldyqqan. Onyń arasynda 157 adam jazylyp shyqqan.
