تٷركٸستان وبلىسىندا COVID-19 ينفەكتسيياسىن جۇقتىرعان ناۋقاستار مەن دەرٸگەرلەر حالىققا ٷندەۋ جولدادى. ولار ادامداردى ساقتىق شارالارىن قاداعالاپ, ٶز دەنساۋلىعىنا نەمقۇرايلى قاراماۋعا شاقىردى, دەپ حابارلايدى "ۇلت اقپارات".
كوروناۆيرۋس ٸندەتٸنە شالدىققانداردىڭ بٸرٸ - دٸلدار اتاحانوۆا. ول كەنتاۋ قالالىق جۇقپالى اۋرۋلار اۋرۋحاناسىنا اۋىر حالدە جەتكٸزٸلگەن. 52 جاستاعى ناۋقاستىڭ تەك بەسٸنشٸ كٷنٸ بەتٸ بەرٸ قاراعان. وعان دەرٸگەرلەردٸڭ شۇعىل مەديتسينالىق كٶمەگٸ سەپتٸگٸن تيگٸزگەن.
تٷركٸستاندىق انا ٶكٸنٸشكە وراي ۇلىنىڭ دا وسى اۋرۋعا شالدىققانىن ايتىپ, كورونوۆيرۋسقا سەنبەيتٸندەردٸ اباي بولۋعا شاقىردى.
اۋرۋحانادا ەم قابىلداپ جاتقان تاعى بٸر ناۋقاس تٶلەگەن ەزتٸلەۋوۆ - ارىس قالاسىنىڭ تۇرعىنى. 72 جاستاعى ناۋقاس تا اۋرۋحاناعا ٶتە اۋىر حالدە جەتكٸزٸلگەن. قارييانىڭ جاعدايى قازٸر جاقسارعان. زەينەت جاسىنداعى اقساقال بۇل دەرتتٸڭ تىم قاۋٸپتٸ ەكەنٸن ايتىپ, حالىق اراسىندا كوروناۆيرۋس ٸندەتٸ جالعان دەگەن قاۋەسەتكە سەنبەيتٸندەرگە ساقتانۋ كەرەكتٸگٸن ەسكەرتتٸ.
ايتا كەتەيٸك, بٷگٸنگٸ كٷنگە دەيٸن تٷركٸستان وبلىسى بويىنشا covid-19 ينفەكتسيياسىنا 247 ازامات شالدىققان. ونىڭ اراسىندا 157 ادام جازىلىپ شىققان.
