Búgin óńirlik kommmýnikatsiialar qyzmetinde Túrkistan oblysyndaǵy avtomobil joldary men meditsinalyq qyzmetterdiń, jylytý pýnktteriniń qysqy daiyndyǵy boiynsha brifing ótti.
Baspasóz máslihatynda Túrkistan oblysy jolaýshylar kóligi jáne avtomobil joldary basqarmasynyń basshysy Rolan Ibragimov óńirdegi avtojoldardyń qysqy ázirligi, tehnikalardyń daiyndyǵy týraly baiandady.
«Túrkistan oblysy aýmaǵyndaǵy oblystyq mańyzy bar avtomobil joldarynyń uzyndyǵy – 4014,74 shaqyrym. Onyń ishinde 1943,3 shaqyrymy birinshi kezektegi qardan tazalanyp, inertti materialdar sebiletin joldary bolsa, 434 shaqyrymy - taýly aimaqtarda qar qatty basyp qalýy qaýpi joǵary aimaqtar. Óńirdegi joldardy kútip ustaý jumystaryna 125 arnaiy tehnika jumyldyrylǵan. Joldardy der kezinde tazalap, kók taiǵaqtyń aldyn alý úshin 4636 m3 qum jáne 437 tonna tuz ázirlengen. Búgingi tańda, inertti materialdar aýdan, qalalardaǵy qoimalarǵa jinalǵan», – dedi Rolan Bekmaǵambetuly.
Basqarma basshysynyń aitýynsha, arnaiy tehnikalarǵa paidalanylatyn janar-jaǵarmai jetkilikti. Sonymen qatar, aýa raiynyń qolaisyz mezgilinde jolda qalyp qoiǵan jolaýshylarǵa jaǵdai jasaý maqsatynda oblystyq mańyzy bar avtomobil joldarynyń boiynda, asýlarda 4 jylytý beketi ázirlendi. Iaǵni, «Shybyqbel», «Odamanbulaq», «Ashysai» jáne «Taskómirsai» jylytý beketteriniń bir mezgilde 40 adamdy qabyldaýǵa múmkinshiligi bar. Tósek-orynmen jáne azyq-túlikpen basqa da qajetti zattarmen qamtamasyz etilgen.
«Báidibek, Sozaq, Tólebi aýdandary aýmaǵymen ótetin avtomobil joldarynyń boiynda, qar basyp qalý yqtimaldylyǵy joǵary aimaqtarda jalpy uzyndyǵy 2560 qýma/metr qar toqtatqysh qorshaýlar ornatylǵan. Sondai-aq, 715 dana eskertýshi «Taiǵaq jol» 1.15 jol belgileri qoiyldy», – dedi Rolan Bekmaǵambetuly.
Brifingte Túrkistan oblysy TJD bastyǵynyń orynbasary, polkovnik Erik Sarybaev óńir turǵyndaryn saqtyq sharalaryna muqiiat bolýǵa, daýyldy eskertýler berilgen kezderde alys jolǵa shyqpaýǵa shaqyrdy.
«Qysqy daiyndyq josparǵa sai júrgizilip jatyr. Departament tarapynan 502 adam, 33 tehnika daiyndyqqa keltirildi. Búgingi tańǵa oblys aýmaǵynda esepke alynǵan qar basatyn jalpy 22 aýmaq bar. Qar qursaýynda jáne kúrdeli meteojaǵdailarda zardap shekkenderge kómek kórsetý úshin jalpy 11 jylytý pýnkti, 3 «Apattar meditsina ortalyǵy» filialynyń beketteri daiyndalǵan. Oblys turǵyndary men qonaqtarynan daýyldy boran, qar t.b. eskertý alǵan soń uzaq jolǵa shyqpaýdy suraimyz. Qys maýsymynda aýa raiynyń kúrt ózgerýi kezinde joldardy jabý barysynda basqa ainalma joldarmen avtokólik ieleriniń jolǵa shyǵyp ketýdiń sońy úlken ókinishke ákelýi múmkin. Avtobeketter basshylary da qysqy maýsymda jolǵa shyǵý máselelerin pysyqtap, iaǵni avtobýstardyń dońǵalaqtarynyń sáikestigine, qystyq dizel otynymen qamtamasyz etilgendigine jáne tehnikalardyń jaramdylyǵyna asa nazar aýdarý qajet», – dedi Erik Temirhanuly.
