Túrkistan oblysynda karantin talaptaryn saqtamaǵan turǵyndar jaýapqa tartylýda. Saryaǵash pen Qazyǵurt aýdandarynda kókpar uiymdastyrǵandar men toi ótkizgenderge aiyppul salyndy, dep habarlaidy "Ult aqparat".
Oblystyq PD baspasóz qyzmetiniń málimetinshe, Saryaǵash APB-nyń qyzmetkerlerimen ótken jyly karantindik talaptardy saqtamaýdyń 789 deregi tirkelip, SES-ke joldanǵan. Onyń ishinde quqyqbuzýshylyqtaryn birneshe ret qaitalaǵan 4 jáit anyqtalǵan. Atap aitqanda, aýdan ortalyǵyndaǵy toihanalardyń biri karantin rejimin jáne shekteý sharalaryn 2 ret buzǵan. Al, azyq-túlik dúkeniniń iesi karantin talaptaryn buzýdy birneshe ret qaitalap, oǵan tiisti kólemde aiiyppul salynǵan. Kórshiles Qazyǵurt APB-nyń politsiia qyzmetkerleriniń de reidtik is-sharalary kezinde jergilikti turǵynnyń kókpar uiymdastyrǵany anyqtaldy.
«Tártip saqshylary atalǵan jaitty QR ÁQBtK-niń 425-baby «Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha tiisti is-qujattardy jinaqtap, SES-ke joldady», delingen habarlamada.
