Foto: Polisia.kz
IIM ekstremizmge qarsy is-qimyl jónindegi bólinisi Ulttyq qaýipsizdik komitetiniń kómegimen Kentaý qalasynda "Hizb-ýt-Tahrir" dini-ekstremistik uiymynyń jasyrylǵan tobyn joiǵanyn habarlady.
"Bul uiymnyń ideologiiasy elde zaiyrly konstitýtsiialyq qurylymdy qulatyp, "shariǵat" normalaryn engizýge baǵyttalǵan. Jedel-izdestirý is-sharalary barysynda top músheleriniń terrorizm ideialaryn nasihattaý, sondai-aq dini kózqarasty qorlaý faktileri anyqtaldy", - delingen habarlamada.
Top músheleri "Hizb-ýt-Tahrir" sheteldik radikaldy ýaǵyzshylarynyń dáristerin alý jáne taratý úshin internet-resýrstardy paidalanǵan. Top jetekshisi buǵan deiin tyiym salynǵan dini-ekstremistik uiymnyń qyzmetine qatysqany úshin sotty bolǵan.
Júrgizilgen sharalar nátijesinde 10 kúdikti ustaldy. Olardyń turǵylyqty jerlerin tintý kezinde dini-ekstremistik ádebietter men basqa da zattai dáleldemeler tárkilendi.
Qazirgi ýaqytta terrorizmdi nasihattaý jáne dini alaýyzdyqty qozdyrý belgileri boiynsha sotqa deiingi tergeý júrgizilip jatyr.
