Karantin sharalaryn elemeitinder qatary azaiar emes. Jaqyndary men týystarynyń basyn qosyp, kópshilikke toi berip, jiyn jasap jatqandar áli de kezdesedi, dep habarlaidy "Ult aqparat" Túrkistan oblysynyń politsiia departamentine sliteme jasap.
Máselen, Túrkistan oblysy Otyrar aýdanynda karantin talaptaryn óreskel buzǵan 2 birdei turǵyn anyqtaldy. Onyń biri óz úiiniń aýlasynda týystarynyń basyn qaýip-qaterge tigip, betashar toiyn jasasa, ekinshisi óz úiinde qudalyq ótkizgen.
Atalǵan eki jait boiynsha QR ÁQBtK-niń 425-babymen tirkeýge alynyp, is-qujattary jinaqtalyp, taýarlar men kórsetiletin qyzmetterdiń sapasy men qaýipsizdigin baqylaý basqarmasyna zańdy sheshim qabyldaý úshin joldandy.
Keles aýdandyq politsiia bóliminiń qyzmetkerleri júrgizgen reid kezinde dál osyndai shekteý erejelerin eskermegen eki tulǵa anyqtaldy.
Ekeýi de aýdan meiramhanalarynda qyz uzatý toiy men qudalyq jiynyn ótkizgen. Óz kezeginde toi iesi men zańdy belshesinen basa otyryp, jalpyǵa ortaq erejeni buzǵan toihana iesine túsindirý jumystary júrgizildi.
Sonymen qatar QR ÁQBtK 425-babymen qujattar jinaqtalyp, zańdy sheshim shyǵarý úshin tiisti orynǵa jiberildi.
Oblys politseileriniń aitýynsha, karantin kezinde toi-jiyn, basqosý, otbasylyq, merekelik, ujymdyq is-sharalardy uiymdastyrýǵa tyiym salynǵan. Oǵan qosa maska rejimi men araqashyqtyqty únemi saqtaý mindetteledi.
