كارانتين شارالارىن ەلەمەيتٸندەر قاتارى ازايار ەمەس. جاقىندارى مەن تۋىستارىنىڭ باسىن قوسىپ, كٶپشٸلٸككە توي بەرٸپ, جيىن جاساپ جاتقاندار ەلٸ دە كەزدەسەدٸ, دەپ حابارلايدى "ۇلت اقپارات" تٷركٸستان وبلىسىنىڭ پوليتسييا دەپارتامەنتٸنە سلٸتەمە جاساپ.
مەسەلەن, تٷركٸستان وبلىسى وتىرار اۋدانىندا كارانتين تالاپتارىن ٶرەسكەل بۇزعان 2 بٸردەي تۇرعىن انىقتالدى. ونىڭ بٸرٸ ٶز ٷيٸنٸڭ اۋلاسىندا تۋىستارىنىڭ باسىن قاۋٸپ-قاتەرگە تٸگٸپ, بەتاشار تويىن جاساسا, ەكٸنشٸسٸ ٶز ٷيٸندە قۇدالىق ٶتكٸزگەن.
اتالعان ەكٸ جايت بويىنشا قر ەقبتك-نٸڭ 425-بابىمەن تٸركەۋگە الىنىپ, ٸس-قۇجاتتارى جيناقتالىپ, تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ باسقارماسىنا زاڭدى شەشٸم قابىلداۋ ٷشٸن جولداندى.
كەلەس اۋداندىق پوليتسييا بٶلٸمٸنٸڭ قىزمەتكەرلەرٸ جٷرگٸزگەن رەيد كەزٸندە دەل وسىنداي شەكتەۋ ەرەجەلەرٸن ەسكەرمەگەن ەكٸ تۇلعا انىقتالدى.
ەكەۋٸ دە اۋدان مەيرامحانالارىندا قىز ۇزاتۋ تويى مەن قۇدالىق جيىنىن ٶتكٸزگەن. ٶز كەزەگٸندە توي يەسٸ مەن زاڭدى بەلشەسٸنەن باسا وتىرىپ, جالپىعا ورتاق ەرەجەنٸ بۇزعان تويحانا يەسٸنە تٷسٸندٸرۋ جۇمىستارى جٷرگٸزٸلدٸ.
سونىمەن قاتار قر ەقبتك 425-بابىمەن قۇجاتتار جيناقتالىپ, زاڭدى شەشٸم شىعارۋ ٷشٸن تيٸستٸ ورىنعا جٸبەرٸلدٸ.
وبلىس پوليتسەيلەرٸنٸڭ ايتۋىنشا, كارانتين كەزٸندە توي-جيىن, باسقوسۋ, وتباسىلىق, مەرەكەلٸك, ۇجىمدىق ٸس-شارالاردى ۇيىمداستىرۋعا تىيىم سالىنعان. وعان قوسا ماسكا رەجيمٸ مەن اراقاشىقتىقتى ٷنەمٸ ساقتاۋ مٸندەتتەلەدٸ.
