Foto: Gov.kz.
Oblys ákiminiń orynbasary Nurbol Turashbekov Keles aýdanyndaǵy “Ýmarov N» sharýa qojalyǵynyń qaita óńdeý tsehyn aralap, jumysymen tanysty, dep habarlaidy «Ult aqparat».
Kásipker tamshylatyp sýǵarýǵa arnalǵan iilgish tútik shyǵarý úshin 2023 jyly Qytai elinen arnaiy qondyrǵy alyp, iske qosqan.
Qurylǵy saǵatyna 12000 metr ónim óndirýge qýatty. Kásiporynda sonymen qatar, jylyjaiǵa qoldanylatyn plenka jáne jip shyǵarylady. Qoldanystan shyqqan polietilen zattaryn qaita tereń óńdeý arqyly kóshet egýge qajetti qutylar jasaý da jolǵa qoiylǵan. Tseh 6 adamdy turaqty jumyspen qamtyp otyr.
Sharýa qojalyǵynyń basshysy Nurjan Omarov sondai-aq, óz jylyjai kesheninde maýsymdyq kezeńde 25 azamatty jumyspen qamtamasyz etetinin jetkizdi.
Maqtaaral aýdanyndaǵy «Cotton Mai» jaýapkershiligi shekteýli seriktestigi de shetelden jetkizilgen avtomattandyrylǵan qondyrǵylar ornatyp, jańa tehnologiiamen maqta maiyn óndirýdi bastady. Kásiporyn táýligine 2 myń tonna shitti óńdeýge qaýqarly.
Nurbol Turashbekov aýyl sharýashylyǵyn damytýda jańashyldyq mańyzdy ekenin atap ótti.
– Tereń óńdeý tehnologiiasy men onyń paidasy týraly sharýalardy keńinen aqparattandyrý qajet. Zaman talabyna sai ónim usyný úshin tehnologiialyq jetistikterden shet qalmaýymyz shart. Osy baǵyttaǵy jumysty retteý arqyly naryqtaǵy ainalymdy da bir júiege keltirýge bolady, – dedi ol.
Oblys ákiminiń orynbasary jaýapty mamandarǵa kásipkerlermen jáne sharýalarmen kelise otyryp, bul baǵytta naqty usynystar ázirleýdi tapsyrdy.
