فوتو: Gov.kz.
وبلىس ەكٸمٸنٸڭ ورىنباسارى نۇربول تۇراشبەكوۆ كەلەس اۋدانىنداعى “ۋماروۆ ن» شارۋا قوجالىعىنىڭ قايتا ٶڭدەۋ تسەحىن ارالاپ, جۇمىسىمەن تانىستى, دەپ حابارلايدى «ۇلت اقپارات».
كەسٸپكەر تامشىلاتىپ سۋعارۋعا ارنالعان يٸلگٸش تٷتٸك شىعارۋ ٷشٸن 2023 جىلى قىتاي ەلٸنەن ارنايى قوندىرعى الىپ, ٸسكە قوسقان.
قۇرىلعى ساعاتىنا 12000 مەتر ٶنٸم ٶندٸرۋگە قۋاتتى. كەسٸپورىندا سونىمەن قاتار, جىلىجايعا قولدانىلاتىن پلەنكا جەنە جٸپ شىعارىلادى. قولدانىستان شىققان پوليەتيلەن زاتتارىن قايتا تەرەڭ ٶڭدەۋ ارقىلى كٶشەت ەگۋگە قاجەتتٸ قۇتىلار جاساۋ دا جولعا قويىلعان. تسەح 6 ادامدى تۇراقتى جۇمىسپەن قامتىپ وتىر.
شارۋا قوجالىعىنىڭ باسشىسى نۇرجان وماروۆ سونداي-اق, ٶز جىلىجاي كەشەنٸندە ماۋسىمدىق كەزەڭدە 25 ازاماتتى جۇمىسپەن قامتاماسىز ەتەتٸنٸن جەتكٸزدٸ.
ماقتاارال اۋدانىنداعى «Cotton ماي» جاۋاپكەرشٸلٸگٸ شەكتەۋلٸ سەرٸكتەستٸگٸ دە شەتەلدەن جەتكٸزٸلگەن اۆتوماتتاندىرىلعان قوندىرعىلار ورناتىپ, جاڭا تەحنولوگييامەن ماقتا مايىن ٶندٸرۋدٸ باستادى. كەسٸپورىن تەۋلٸگٸنە 2 مىڭ توننا شيتتٸ ٶڭدەۋگە قاۋقارلى.
نۇربول تۇراشبەكوۆ اۋىل شارۋاشىلىعىن دامىتۋدا جاڭاشىلدىق ماڭىزدى ەكەنٸن اتاپ ٶتتٸ.
– تەرەڭ ٶڭدەۋ تەحنولوگيياسى مەن ونىڭ پايداسى تۋرالى شارۋالاردى كەڭٸنەن اقپاراتتاندىرۋ قاجەت. زامان تالابىنا ساي ٶنٸم ۇسىنۋ ٷشٸن تەحنولوگييالىق جەتٸستٸكتەردەن شەت قالماۋىمىز شارت. وسى باعىتتاعى جۇمىستى رەتتەۋ ارقىلى نارىقتاعى اينالىمدى دا بٸر جٷيەگە كەلتٸرۋگە بولادى, – دەدٸ ول.
وبلىس ەكٸمٸنٸڭ ورىنباسارى جاۋاپتى ماماندارعا كەسٸپكەرلەرمەن جەنە شارۋالارمەن كەلٸسە وتىرىپ, بۇل باعىتتا ناقتى ۇسىنىستار ەزٸرلەۋدٸ تاپسىردى.
