Túrkistan oblysynda qarly borannan joldar jabylyp, kók taiǵaqtan kólikter soǵysty. Politseiler saqtyq sharalaryn kúsheitip, táýlik boiy kezekshilikte turýda, dep habarlaiy "Ult aqparat".
Oblystyq PD málimetinshe, Shymkent-Túrkistan tas jolynda 4 jeńil avtokólik soqtyǵysqan. «VAZ» júrgizýshisi jaraqat alyp, meditsinalyq kómek kórsetilgen. Avtokólikke materialdyq shyǵyn keltirilgen. Atalmysh jol apatyna bailanysty jolda keptelis paida bolyp, sol ýchaskede kóp kólik turyp qalǵan.
Ordabasy aýdandyq PB jeke quramy jáne patrýldik politsiia inspektorlary jolda qalyp qoiǵan júrgizýshiler men jolaýshylarǵa kómek kórsetti. Politseiler adamdardy jylytý pýnktine jetkizdi, kólikterdi súireýge, keptelisti joiýǵa jáne joldardy qardan tazartýǵa kómektesti.
Óńirde qardyń qalyń jaýyp, qatty jel soǵýy saldarynan keibir respýblikalyq, oblystyń joldarda avtokólik qozǵalysy qiyndai túsken.
Búginde Almaty-Tashkent-Termez tas jolynda, Túlkibas aýdanyndaǵy Shaqpaq baba aýylynyń mańynda, Báidibek aýdanyndaǵy oblystyq mańyzy bar joldarda (ShQ-1, Qoshqarata-Jaryqbas-Birlik) qozǵalys ýaqytsha toqtatyldy jáne Ordabasy aýdany Shubar aýdanyndaǵy M-32, Samara-Shymkent tas joldarynda qozǵalys shektelgen.
Joldardyń qaryn arshý úshin respýblikalyq trassada 49 arnaiy kólik jáne oblystyq joldarda 44 kólik jumyldyryldy, onyń ishinde qar jinaityn tehnika da bar.
Tártip saqshylary júrgizýshilerge jyldamdyqty asyrmai, ara qashyqty saqtaýdy, artyq manevr men kólikti kúrt tejeýden aýlaq bolýǵa keńes beredi.
