Túrkistan oblysynda birneshe etnomádeni birlestikterdiń músheleri men belsendi jastary bas qosqan, «Túrkistan – túrki áleminiń rýhani astanasy» atty dóńgelek ústel ótti. Dál osyndai taqyryppen ótken túrkitildes memleketterdiń yntymaqtastyq keńesiniń beiresmi sammitiniń aiasynda ótken sharaǵa Túrkistan oblysy ákiminiń orynbasary Sáken Qalqamanov pen jergilikti ǵalymdar, jaýapty mamandar qatysty, - dep habarlaidy «Ult aqparat».
Esterińizde bolsa, Memleket basshysy Qasym-Jomart Toqaev Túrki órkenietin jańǵyrtýdy Túrkistandy álemge tanytýdan bastaýǵa shaqyrǵan bolatyn. Túrkistan qalasy oblys ortalyǵy bolǵaly bul maqsatqa da jaqyndap kele jatqanymyz sózsiz. Osy oraida atalǵan jiynda sóz alǵan oblys ákiminiń orynbasary Sáken Amangeldiuly barsha túrkistandyqtardy osynaý tarihi kezeńniń bastalýymen quttyqtady.
«Ózderińiz bilesizder, Túrkistan – san ǵasyrlyq tarihy bar qasietti meken, Eýropa men Aziiany toǵystyryp jatqan Uly Jibek jolynyń kúretamyry, Qazaq handyǵynyń astanasy bolǵan. Oblysymyzda ótip jatqan «Túrkistan – túrki áleminiń rýhani astanasy» atty sammittiń bizdiń shaharda ótýi, kelisim men tatýlyq, baýyrmaldyq siiaqty asyl qasietterdi uran etýi – zańdylyq. Bizdiń búgingi kúnimiz ben jumys josparlarymyz Túrkistannyń aldaǵy ýaqytta da baýyrlas elderge rýhani astana retinde damitynynyń dáleli», - dedi oblys ákiminiń orynbasary.
Sonymen birge, jiynda sóz alǵan ǵalym, filosof-dintanýshy Dosai Kenjetai Iasaýi tulǵasy jaily tyń derekter men mańyzdy oilaryn ortaǵa saldy. Aita keteiik, ǵalym búgingi tańda Q.Iasaýi atyndaǵy halyqaralyq qazaq-túrik ýniversitetiniń túrkologiia ǵylymi-zertteý institýtynyń direktory ekenin de esterińizge salaiyq.
Biz aityp otyrǵan «Túrkistan – túrki áleminiń rýhani astanasy» atty dóńgelek ústelge Q.Iasaýi atyndaǵy halyqaralyq qazaq-túrik ýniversitetiniń Vitse-Prezidenti, pedagogika ǵylymdarynyń kandidaty, filosofiia ǵylymdarynyń doktory Ámirqul Ábýov pen oblystyq ózbek etnomádeni birlestigi tóraǵasynyń orynbasary Gýlirano Rasýlova sóz alyp, óz oilaryn ortaǵa saldy.
«Túrkistan oblys ortalyǵy bolǵaly qalamyz gúldenip, adam tanymastai ózgerip jatqanyn kórip otyrsyzdar. Úlken megapolis qalalarda eńbek etip júrgen qanshama jerlesterimiz týǵan jerge oralyp, týǵan jerdiń gúldenýi úshin bar kúsh-jigerlerin salyp, eńbek etýde. Biz osy úshin qýanyp, bul úshin maqtanyp júrmiz. Eń bastysy qalamyz túrki áleminiń rýhani astanasy bolyp, damyp kele jatqany kóńil qýantady. Sol úshin qazirgi tańda elimizdiń túkpir-túkpirinen kelip, Túrkistannyń damýy jolynda eńbek etip jatqan barlyq jerlesterge alǵystan basqa aitarym joq. Bárimiz birge jumyla kótergen júk jeńil deidi, birlesip qalamyzdy áli-aq damytamyz», - dedi oblystyq ózbek etnomádeni birlestigi tóraǵasynyń orynbasary Gýlirano Rasýlova.
Osydan keiin sóz alǵan oblystyq tatar-bashqurt etnomádeni birlestiginiń tóraǵasy Farit Aiýpov, oblystyq túrik etnomádeni birlestiginiń múshesi Hýsein Pazaevtar sóz alyp, Túrkistannyń túrki jurtyna ortaq rýhani astana retinde damýy-túbi bir baýyrlas elderdiń yntymaq-birliginiń artýyna yqpal etetindigin jetkizdi.
«Túrkistan – túrki áleminiń rýhani astanasy ekeni daýsyz. Kúlli túrki jurtshylyǵy Túrkistandy óz týǵan jerinen kem kórmeidi. Biz, ásirese, túrik halqy Túrkistandy janymyzdan artyq jaqsy kóremiz. Sebebi Túrkistan túrki jurtshylyǵynyń rýhani mekeni. Túrik halqy Túrkistan oblys ortalyǵy bolmai turǵannan-aq erekshe qamqorlyqqa alǵan. Qaladaǵy birqatar qurylystar, qazaq-túrik ýniversiteti dálel bola alady. Al kishkentai qalamyz oblys ortalyǵy bolyp, úlken shaharǵa ainalyp kele jatqany qýantady», - dedi oblystyq túrik etnomádeni birlestiginiń múshesi Hýsein Pazaev.
Esterińizge sala keteiik, Túrkistan oblysynda birneshe etnomádeni birlestikterdiń músheleri men belsendi jastary bas qosqan, «Túrkistan – túrki áleminiń rýhani astanasy» atty dóńgelek ústel ótti. Dál osyndai taqyryppen ótken túrkitildes memleketterdiń yntymaqtastyq keńesiniń beiresmi sammitiniń aiasynda ótken sharaǵa Túrkistan oblysy ákiminiń orynbasary Sáken Qalqamanov pen jergilikti ǵalymdar, jaýapty mamandar qatysty.
