Covid-19 pandemiiasyna bailanysty elimizde tótenshe jaǵdai jariialanǵanda Túrkistan oblysynda turatyn erli-zaiypty blokposttarda kúni-túni qyzmet etti.
Sairam aýdanynda ýchaskelik politsiia inspektory bolyp qyzmet atqaratyn Rysdáýlet Súieýbekov jary Jansaia Eralhan ekeýi pandemiiaǵa qarsy is-sharalarǵa belsendi atsalysty, dep habarlaidy QazAqparat.
Karantin engizilgennen bastap politsiia qyzmetkerleri men meditsina mamandary birlesip, saqtyq sharalaryn qolǵa alǵanda árbir aýylǵa, eldimekenge blokpostar qoiylǵany belgili. Onda politsiia men meditsina qyzmetkerleri kúsheitilgen rejimde jumys istedi. Osyndai azamattardyń qatarynda Sairam APB qyzmetkeri Rysdáýlet Súieýbekov pen emhanada medbike bolyp eńbek etetin Jansaia Eralhan da bir kisidei kezekshilikte boldy. Ýchaskelik inspektor Sairam aýdanyna kireberistegi jaǵdaidy qadaǵalasa, Jansaia Shymkenttegi bekette turǵyndardy tekserip turǵan. Al, úidegi bala-shaǵasyn ájelerine amanattapty. Jas otbasy osylaisha úsh ai boiy otbasynan jyraqta júrip, ózderine júktelgen jumysty abyroimen atqaryp shyqty.
«Qaýip qatermen betpe-bet kelip, pandemiiaǵa qarsy is-sharalarǵa atsalystyq. Jalpy qaýipti aýrýmen kúreste barlyǵymyz antqa adaldyq tanyttyq. «Biz birgemiz» urany bárimizdi jigerlendire tústi. Qandai jaǵdai bolmasyn, árqashan elimizdiń turaqtylyǵy men azamattarymyzdyń beibit ómiri úshin júktelgen mindetterdi oryndaýǵa ázirmiz. Qaýipsizdik sharalaryn ózimiz de qatań ustandyq. Qolǵaptar men betperdeni, kiimderimizdi ýaqtyly aýystyryp, zalalsyzdandyrý jumystaryn ýaqytyly atqardyq. Kózge kórinbeitin virýspen kúres, árine ońai bolǵan joq», – deidi politsiia aǵa leitenanty.
Búginde ýchaskelik politsiia inspektory ózine bekitilgen aimaqta qalypty jumysqa kirisken. Al, jary Jansaia bolsa Shymkenttegi jumysyna baryp kelip júr.
