Covid-19 پاندەميياسىنا بايلانىستى ەلٸمٸزدە تٶتەنشە جاعداي جارييالانعاندا تٷركٸستان وبلىسىندا تۇراتىن ەرلٸ-زايىپتى بلوكپوستتاردا كٷنٸ-تٷنٸ قىزمەت ەتتٸ.
سايرام اۋدانىندا ۋچاسكەلٸك پوليتسييا ينسپەكتورى بولىپ قىزمەت اتقاراتىن رىسدەۋلەت سٷيەۋبەكوۆ جارى جانسايا ەرالحان ەكەۋٸ پاندەميياعا قارسى ٸس-شارالارعا بەلسەندٸ اتسالىستى, دەپ حابارلايدى قازاقپارات.
كارانتين ەنگٸزٸلگەننەن باستاپ پوليتسييا قىزمەتكەرلەرٸ مەن مەديتسينا ماماندارى بٸرلەسٸپ, ساقتىق شارالارىن قولعا العاندا ەربٸر اۋىلعا, ەلدٸمەكەنگە بلوكپوستار قويىلعانى بەلگٸلٸ. وندا پوليتسييا مەن مەديتسينا قىزمەتكەرلەرٸ كٷشەيتٸلگەن رەجيمدە جۇمىس ٸستەدٸ. وسىنداي ازاماتتاردىڭ قاتارىندا سايرام اپب قىزمەتكەرٸ رىسدەۋلەت سٷيەۋبەكوۆ پەن ەمحانادا مەدبيكە بولىپ ەڭبەك ەتەتٸن جانسايا ەرالحان دا بٸر كٸسٸدەي كەزەكشٸلٸكتە بولدى. ۋچاسكەلٸك ينسپەكتور سايرام اۋدانىنا كٸرەبەرٸستەگٸ جاعدايدى قاداعالاسا, جانسايا شىمكەنتتەگٸ بەكەتتە تۇرعىنداردى تەكسەرٸپ تۇرعان. ال, ٷيدەگٸ بالا-شاعاسىن ەجەلەرٸنە اماناتتاپتى. جاس وتباسى وسىلايشا ٷش اي بويى وتباسىنان جىراقتا جٷرٸپ, ٶزدەرٸنە جٷكتەلگەن جۇمىستى ابىرويمەن اتقارىپ شىقتى.
«قاۋٸپ قاتەرمەن بەتپە-بەت كەلٸپ, پاندەميياعا قارسى ٸس-شارالارعا اتسالىستىق. جالپى قاۋٸپتٸ اۋرۋمەن كٷرەستە بارلىعىمىز انتقا ادالدىق تانىتتىق. «بٸز بٸرگەمٸز» ۇرانى بەرٸمٸزدٸ جٸگەرلەندٸرە تٷستٸ. قانداي جاعداي بولماسىن, ەرقاشان ەلٸمٸزدٸڭ تۇراقتىلىعى مەن ازاماتتارىمىزدىڭ بەيبٸت ٶمٸرٸ ٷشٸن جٷكتەلگەن مٸندەتتەردٸ ورىنداۋعا ەزٸرمٸز. قاۋٸپسٸزدٸك شارالارىن ٶزٸمٸز دە قاتاڭ ۇستاندىق. قولعاپتار مەن بەتپەردەنٸ, كيٸمدەرٸمٸزدٸ ۋاقتىلى اۋىستىرىپ, زالالسىزداندىرۋ جۇمىستارىن ۋاقىتىلى اتقاردىق. كٶزگە كٶرٸنبەيتٸن ۆيرۋسپەن كٷرەس, ەرينە وڭاي بولعان جوق», – دەيدٸ پوليتسييا اعا لەيتەنانتى.
بٷگٸندە ۋچاسكەلٸك پوليتسييا ينسپەكتورى ٶزٸنە بەكٸتٸلگەن ايماقتا قالىپتى جۇمىسقا كٸرٸسكەن. ال, جارى جانسايا بولسا شىمكەنتتەگٸ جۇمىسىنا بارىپ كەلٸپ جٷر.
