© ktk.kz
Túrkistan oblysynda er adam áielin tórt balanyń kózinshe uryp óltirdi, - dep habarlaidy Tengrinews.kz agenttigi Otyrar.kz saityna silteme jasap.
Oqiǵa 29 sáýirge qaraǵan túni bolǵan. Politsiiaǵa marqumnyń jasóspirim qyzy habar bergen.
"Bul derek Ordabasy aýdandyq politsiia bólimine QR QK-nyń 99-baby 1-bóligi "Adam óltirý" boiynsha tirkeldi. Alynǵan zattai aiǵaq saraptamaǵa jiberildi. Kúdikti óz áreketin moiyndady. Tergeý amaldary júrgizilip jatyr. Sotaldy tergep-tekserý jumystary júrgizilip, oqiǵanyń barlyq mán-jaiy anyqtalyp jatyr", - dedi PD ókilderi.
Vedomstvo málimetinshe, ustalǵan azamat - Ordabasy aýdanynyń turǵyny. Er adam politsiia bólimshesine tirkelmegen. Sol kúnge deiin kórshi-qolańnan, týystardan aiǵai-shý týraly eshqandai aryz-shaǵym túspegen.
Qaiǵyly jaǵdaidan keiin erli-zaiyptynyń ekeýiniń de ata-anasy kámeletke tolmaǵan tórt balany óz qamqorlyǵyna alamyz dep otyr.
Bul rette KTK telearnasy málimeti boiynsha, áieldiń qyzy anasyn qutqarýdy ótinip, tórt ret politsiiaǵa habarlasqan. Kómek 40 minýttan keiin ǵana kelgen. Jábirlenýshi jedel járdem kelgenshe qaitys boldy.
"Aýzyna koniak quidy. Sosyn sol bos bótelkeni qyzymnyń basyna syndyrdy. Úiden monshaǵa shashynan súirep apardy. Basynda shash qalmady. Tisteri synǵan. Ústine sekirdi, ishi túgel zaqymdalǵan, qabyrǵalary synǵan", - deidi marqumnyń anasy Qalamqas Sartaeva.
