© ktk.kz
تٷركٸستان وبلىسىندا ەر ادام ەيەلٸن تٶرت بالانىڭ كٶزٸنشە ۇرىپ ٶلتٸردٸ, - دەپ حابارلايدى Tengrinews.kz اگەنتتٸگٸ Otyrar.kz سايتىنا سٸلتەمە جاساپ.
وقيعا 29 سەۋٸرگە قاراعان تٷنٸ بولعان. پوليتسيياعا مارقۇمنىڭ جاسٶسپٸرٸم قىزى حابار بەرگەن.
"بۇل دەرەك ورداباسى اۋداندىق پوليتسييا بٶلٸمٸنە قر قك-نىڭ 99-بابى 1-بٶلٸگٸ "ادام ٶلتٸرۋ" بويىنشا تٸركەلدٸ. الىنعان زاتتاي ايعاق ساراپتاماعا جٸبەرٸلدٸ. كٷدٸكتٸ ٶز ەرەكەتٸن مويىندادى. تەرگەۋ امالدارى جٷرگٸزٸلٸپ جاتىر. سوتالدى تەرگەپ-تەكسەرۋ جۇمىستارى جٷرگٸزٸلٸپ, وقيعانىڭ بارلىق مەن-جايى انىقتالىپ جاتىر", - دەدٸ پد ٶكٸلدەرٸ.
ۆەدومستۆو مەلٸمەتٸنشە, ۇستالعان ازامات - ورداباسى اۋدانىنىڭ تۇرعىنى. ەر ادام پوليتسييا بٶلٸمشەسٸنە تٸركەلمەگەن. سول كٷنگە دەيٸن كٶرشٸ-قولاڭنان, تۋىستاردان ايعاي-شۋ تۋرالى ەشقانداي ارىز-شاعىم تٷسپەگەن.
قايعىلى جاعدايدان كەيٸن ەرلٸ-زايىپتىنىڭ ەكەۋٸنٸڭ دە اتا-اناسى كەمەلەتكە تولماعان تٶرت بالانى ٶز قامقورلىعىنا الامىز دەپ وتىر.
بۇل رەتتە كتك تەلەارناسى مەلٸمەتٸ بويىنشا, ەيەلدٸڭ قىزى اناسىن قۇتقارۋدى ٶتٸنٸپ, تٶرت رەت پوليتسيياعا حابارلاسقان. كٶمەك 40 مينۋتتان كەيٸن عانا كەلگەن. جەبٸرلەنۋشٸ جەدەل جەردەم كەلگەنشە قايتىس بولدى.
"اۋزىنا كونياك قۇيدى. سوسىن سول بوس بٶتەلكەنٸ قىزىمنىڭ باسىنا سىندىردى. ٷيدەن مونشاعا شاشىنان سٷيرەپ اپاردى. باسىندا شاش قالمادى. تٸستەرٸ سىنعان. ٷستٸنە سەكٸردٸ, ٸشٸ تٷگەل زاقىمدالعان, قابىرعالارى سىنعان", - دەيدٸ مارقۇمنىڭ اناسى قالامقاس سارتاەۆا.
