Túrkistan oblysy aýmaǵyndaǵy oblystyq mańyzy bar «Shymkent-Kóksáiek-Qasqasý-Shymkent» avtomobil joly boiyndaǵy «Sairam sý» ózenindegi kópirge biyl kúrdeli jóndeý jumystaryn júrgizildi, dep habarlaidy "Ult aqparat" óńirlik kommýnikatsiialar qyzmetine silteme jasap.
Túrkistan oblysynyń jolaýshylar kóligi jáne avtomobil joldary basqarmasynyń tapsyrysymen «Korporatsiia Bereke A» JShS merdiger mekemesi 2020 jyldyń mamyr-qyrkúiek ailary aralyǵynda atalǵan jumystardy atqardy.
Jóndeý jumystary kezinde, apatty jaǵdaidaǵy kópir tolyǵymen qaita qurastyryldy. Sondai-aq, kópirdi kóterip turatyn eski tirekterdiń ornyna burǵylap quiý ádisimen tereńdigi 10 metrdi quraityn, diametri 1,5 metrlik 12 dana temirbetondy qadalar quiylǵan. Jobaǵa sáikes, uzyndyǵy 87 metr, al eni 12 metrlik kópir qurylysy júrdi. Budan ózge, kópirdiń eki jaǵynan aiaqjol qarastyrylyp, kópirdiń astyna gabiondar ornalastyryldy. Qazirgi tańda kópir tolyǵymen aiaqtalyp, paidalanýǵa berildi.
Sonymen qatar, aǵymdaǵy jyly Ordabasy aýdanyndaǵy oblystyq mańyzy bar «Ózbekstan Respýblikasy shekarasy-Shardara-Arys-Temirlan-M-32» avtomobil joly boiyndaǵy «Badam» ózenindegi kópirge kúrdeli jóndeý jumystary júrgizildi. Jobaǵa sáikes, kópirdiń uzyndyǵy - 96,2 metr, eni - 10 metrdi quraidy. 2020 jyldyń qazan aiynda kópir qurylysy tolyǵymen aiaqtalyp, paidalanýǵa berildi.
Aita keterligi, jóndeý jumystarynyń sapasy tapsyrys berýshi, tehnikalyq qadaǵalaýshy jáne «Ulttyq jol aktivteri sapasy ortalyǵy» mekemesiniń Túrkistan oblysy filialynyń mamandary tarapynan turaqty baqylaýda boldy.
