Foto: Pexels.com
Túrkistan oblysy prokýratýrasy bilim berý salasyndaǵy qarjylyq zań buzýshylyqtardy anyqtap, memleketke 1,5 milliard teńge qaitarylǵanyn habarlady.
Oblysta bilim berý salasynyń 123 qyzmetkerine qatysty 7 qylmystyq is tergelip, sotqa deiingi tergeý aiaqtalǵan. Onyń ishinde 5 is boiynsha protsestegi tulǵalarmen tanysý kezeńi ótken. Sonymen qatar, Saýran jáne Sozaq aýdandarynyń bilim bólimderi qyzmetkerlerine qatysty 2 is sotqa joldandy.
Tergeý kezinde kúdiktilerden 1,5 milliard teńge kólemindegi shyǵyn memleketke qaitarylyp, qosymsha 2,9 milliard teńgege tyiym salynǵan múlik anyqtaldy.
Esterińizge sala keteiik, sońǵy eki jylda bilim salasyndaǵy jemqorlyq áreketterinen 17 milliard teńge kóleminde shyǵyn kelgeni belgili bolǵan. Bir ǵana Taldyqorǵan qalasynda bilim bóliminiń basshylyǵy men birneshe mektep direktory 4 milliard teńgege jýyq qarjyny jymqyrǵan.
