Túrkistan oblysy ákiminiń ókimimen oblystyq jolaýshylar kóligi jáne avtomobil joldary basqarmasynyń basshysy laýazymyna Bekzat Tlegenov Kalenuly taǵaiyndaldy, dep habarlaidy "Ult aqparat".
Jańa basshyny ujymǵa oblys ákiminiń orynbasary Tólegen Sársembaev tanystyryp, sáttilik tiledi. Óz kezeginde Bekzat Tlegenov artylǵan senim úshin alǵysyn bildirip, aldaǵy maqsattardy tiianaqty atqarýǵa bar kúshin salatynyn atap ótti.
B.Tlegenov 1976 jyly 8 qańtarda Ońtústik Qazaqstan oblysy, Maqtaaral aýdanynda dúniege kelgen.
1997 jyly Qazaq memlekettik agrarlyq ýniversitetin, 2000 jyly Qazaq Memlekettik zań akademiiasyn, 2006 jyly Ońtústik Qazaqstan ashyq ýniversitetin bitirgen.
Eńbek jolyn 1997 jyly «Nurjan» óndiristik kooperativinde aǵa agronom qyzmetinen bastaǵan. 2001-2008 jyldar aralyǵynda Ońtústik Qazaqstan qarjy jáne qarjy quqyǵy institýtynda Áskeri daiyndyq kafedrasynyń dáriskeri qyzmetinen bastap direktor orynbasary laýazymyna deiin kóterilgen. 2008 jyly Shymkent qalasynyń jer qatynastary bóliminiń meńgerýshisi, 2011 jyly QR Kólik jáne kommýnikatsiia ministrliginiń Avtomobil joldary komiteti Ońtústik Qazaqstan oblysy boiynsha departamentinde bas maman, 2012 jyly Sairam aýdany salyq basqarmasynda bas maman, 2013 jyly QR Aýyl sharýashylyǵy ministrligi Veterinariialyq baqylaý jáne qadaǵalaý komitetinde sarapshy qyzmetterin atqarǵan. 2013-2017 jyldar aralyǵynda QR Aýyl sharýashylyǵy ministrligi Agroónerkásip keshendegi memlekettik inspektsiia komitetiniń Ońtústik Qazaqstan oblystyq aýmaqtyq inspektsiiasynyń basshysy bolǵan.
