Foto: ashyq derekkóz
Prokýratýra organdary ataýly áleýmettik kómek (AÁK) alý úshin azamattardyń ózderiniń naqty tabystaryn jáne jumys isteitin otbasy músheleriniń sanyn jasyrǵan faktilerin anyqtady, dep habarlaidy Ult.kz.
Atap aitqanda, Saryaǵash (11), Keles (6) jáne Maqtaaral (2) aýdandarynyń turǵyndary tabystaryn jasyrǵany úshin memleket qarjysynan 4,2 mln teńgeni zańsyz iemdengen.
Sonymen qatar, Keles aýdanyndaǵy 13 turǵyn ótinish berý kezinde otbasymen birge turatyn múshelerin ádeii jasyrǵan, osylaisha jiyntyq tabysty tómendetip, kedeishilik sheginen aspaýǵa tyrysqan.
Nátijesinde olar 2,2 mln teńgeni zańsyz alǵan.
Atalǵan fakt boiynsha ýákiletti organǵa prokýrorlyq qadaǵalaý aktisi engizildi.
