Foto: ashyq derekkóz
Túrkistan oblysynda toihanadaǵy buzaqylyq áreketi úshin aiyptalǵan er adamǵa qatysty sot úkimi jariialandy. Oqiǵa 2025 jyldyń 31 tamyzynda Tólebi aýdanyndaǵy “Zaǵambar” toihanasynda bolǵan, dep habarlaidy Ult.kz.
Sot materialdaryna sáikes, aiyptalýshy toida án aityp turǵan burynǵy kelinin kórip, oǵan kúsh qoldanǵan. Sonyń saldarynan jábirlenýshiniń moiny, bilegi jáne kókirek tusy kógergen. Saraptama bul jaraqattardy densaýlyqqa ziian keltirmeitin, qysqa merzimdi zaqym sanatyna jatqyzdy.
Prokýror sottalýshyǵa 1 jylǵa bas bostandyǵynan aiyrý jazasyn surady.
Jábirlenýshi bul ustanymdy qoldap, 700 myń teńge materialdyq ziian jáne 10 mln teńge moraldyq shyǵyn óndirýdi talap etti.
Aiyptalýshy óz áreketin joqqa shyǵarmai, ókinish bildirgenimen, aiyptaýmen tolyq kelispei, óziniń isin QK-niń 109-1-baby boiynsha qaita saralaýdy jáne aiyppul túrindegi jaza qoldanýdy surady.
Sot jaza taǵaiyndaý kezinde onyń buryn sottalmaǵanyn jáne ókingenin jeńildetetin mán-jai retinde eskerdi. Aýyrlatatyn faktorlar anyqtalǵan joq.
Sot úkimi boiynsha aiyptalýshyǵa 1 jylǵa bas bostandyǵyn shekteý jazasy belgilendi. Sonymen qatar odan 800 myń teńge moraldyq ótemaqy jáne 700 myń teńge ókildik shyǵyndary óndirildi.
Túrkistan oblystyq sotynyń habarlaýynsha, úkim áli zańdy kúshine engen joq.
Eske salaiyq, ánshi Azoda Tursynmuradova toida án oryndap turǵan jerinde burynǵy qaiyn atasy oǵan judyryq ala júgirgen. Ánshi tergeýdiń ádil ótpei jatqanyn aityp, jurtshylyqtan kómek suraǵan edi.
