Túrkistan oblysyn damytýdyń 2021-2025 jyldarǵa arnalǵan keshendi jospary sheńberinde 341 kóppáterli úi jóndeýden ótip, 46 myń jańa baspana salynady, dep habarlaidy QazAqparat.
Indýstriia jáne infraqurylymdyq damý ministri Beibit Atamqulov Úkimet otyrsynda aldaǵy 5 jylda Túrkistan oblysynyń inýsdtriiasy men infraqurylymyn damytýǵa 944,9 mlrd teńge qarastyrylǵanyn málim etti.
Sonyń ishinde qurylys jáne turǵyn úi-kommýnaldyq sharashylyq salasyna – 142,5 mlrd teńge, avtojol salasyna – 325,3 mlrd teńge, kólik salasyna - 469,3 mlrd teńge bólý josparlanǵan.
«2025 jylǵa deiin óńirde «Nurly jer» baǵdarlamasy sheńberinde 4,9 mln sharshy metr nemese 46 myń baspana berý josparlanǵan. 2021 jyly - 7,7 páter, 2022 jyly - 8 myń páter, 2023 jyly - 9,1 myń páter, 2024 jyly - 10 myń páter, 2025 jyly - 11,1 myń páter salynady. Onyń ishinde 23 myń páterdi jalǵa beriletin jáne kredittik turǵyn úi retinde usynylady», -dedi ministr.
Sondai-aq, ol jeke turǵyn úi salýǵa arnalǵan jer telimderin injenerlik infraqurylymmen qamtamasyz etý úshin 2025 jylǵa deiin 78,1 mlrd teńge bólinetinin aitty.
Sonyń arqasnyda 64 myń jer ýchaskesine injenerlik infraqurylym tartylady.
«Túrkistan oblysynda turǵyn úilerdi jańǵyrtý boiynsha biyl respýblikalyq biýdjetten 101 kóppáterli úidi jańǵyrtýǵa 3,3 mlrd teńge kózdelgen. 2025 jylǵa deiin 4,6 mlrd teńge somasynda 240 kóppáterli turǵyn úi jańǵyrtylatyn bolady. Jalpy, 2021 jyldan 2025 jylǵa 7,9 mlrd teńge somasynda 341 kóppáterli turǵyn jóndeledi» dedi Áset Erǵaliev Úkimet otyrysynda.
