Foto: Polisia.kz
Túrkistan oblysynda bes jasar qyzdy óltirdi degen kúdikti ustaldy.
"Ne molchi" qorynyń negizin qalaýshy Dina Tańsári áleýmettik jelidegi paraqshasynda Túrkistan oblysy Saryaǵash aýdany Jibek joly aýylynda buryn sottalǵan er adam 2018 jyly týǵan qyzdy aiýandyqpen óltirgenin habarlady.
Oblystyq Politsiia departamenti baspasóz qyzmetiniń málimetinshe, 13 shildede Saryaǵash aýdandyq politsiia bólimine jergilikti turǵyn kámeletke tolmaǵan qyzynyń joǵalyp ketkeni týraly aryz jazǵan.
"Jedel-izdestirý is-sharalary barysynda politsiia qyzmetkerleri aýyl turǵyndarynyń biriniń úiinen dene jaraqaty bar qyzdyń denesin tapty.
Bul fakt QR QK-niń 99-baby “Adam óltirý” boiynsha tirkeldi. Saraptama taǵaiyndaldy. Sotqa deiingi tergeý júrgizilip jatyr.
Kúdikti qamaýǵa alyndy. Barlyq jaǵdailar anyqtalýda" - delingen habarlamada.
Oqiǵa ornyna Túrkistan oblysy PD bastyǵy, oblys prokýrory, jedel tergeý toby men men quzyrly organdar barǵan.
Tergeý barysy Túrkistan oblysy politsiia departamenti basshylyǵynyń baqylaýyna alyndy.
